Ŋgàn 17:10 - ŊWÀʼ NYÙY

¹⁰ Ntir yii kér nsàv e ŋàŋ fo wìr wo wù kiiy jeéyjeéy fó kinyò, e shaà kindzəv wií ke á dzə̀vìn kiyúŋ shó.

Ŋgàn 17:10 Referans Kwoze

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.

Ŋgàn 29:19

Bó yòʼ dzə̀ á sə̀r kwàn, a dzə̀ e jí si cáʼcáʼ. Fə̀m mo wú yú, bó wú yòʼ yíi a yiì mo à taʼà.

Ŋgàn 27:22

Aá fə̀m lì kiyúŋ, a tsəy e kikoŋ, a tsəy mo á tsə̀y ŋgwàsáŋ bo bó yòʼ dzə̀ kiyúŋsì kfə́ kí mày.

Ŋgàn 19:25

Á dzəv ŋgaà jàʼ, anjìʼi yèʼéy vinyo fo fo, naarì wír wo wù kiiy jeéyjeéy fó vinyò, wù keèrí vifií.

Ŋgàn 15:5

Kiyúŋ kí kù yii ŋwáy ntir tàr wov ŋwáyín, yii bèy, a wìr wo wù yú ntir dzə̀ fií.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

Ŋgàn 17:9

À laysìn jay wìr, wù gòʼ ji ŋkar yè. Wìr fəʼ jay wìr, wù bvə̀ə́r viŋkar vév.

Ŋgàn 17:11

Ŋgaà yiì ye bií kù yii koŋ a tsəy a dzə̀ kóy, aá kù yíi tsənsí ŋgaà ntum woo là mendzən fo wùn wó.