Ŋgàn 16:9 - ŊWÀʼ NYÙY

⁹ Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Ŋgàn 16:9 Referans Kwoze

Ŋgàn 19:21

Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Nsùyrì Nyùy 37:23

Kù yii danèr Nyùy Tàr wír wo wù yúnin wun. Wù danèr ŋgaàŋ mo wù wáa tiír kiwuú kfə́, shéʼri wun mo wù ghán e wun mbòv.

Ŋgàn 16:1

Ntaŋ wo baán dzə̀ kinyo ke wìr msòŋ, a binèri kù lo a dzə̀ fo Nyùy Tàr.

Ŋgàn 20:24

Mo kù danèr Nyùy Tàr wir msòŋ, bo a dzə̀ wù ghàn é le, e bóo kiíy kibvəə́shí kfə́.

Jeremia 10:23

«Éè Nyùy Tàr, m kì ji bó yòʼ dzə̀ wìr tìr kitú kfə́, a bó yòʼ jòʼsì wír, wù kìíy mó a tiír kiwuú kfə́, a fìʼ.

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

Aysaya 46:10

M lo, m fèr kèʼlo kinyò, e fèr mo kí wíy dù, e mày. Kinyo ki lo, kí wàa jì ji kí wìy a koóy, a mò‑oò yoòyí ne fo yàŋgùʼ. Lóo yooyí, m wàa shìvìr jii, ‹Jì yem kù wíy a tiy fo, a m kér fó wìy yiì kinyo ke m suuyin kidzə̀m.›

Ŋgàn 16:8

Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.

1 Samuel 9:16

bvəə́shi lòo dzə a e ghan fen kibvəə́shí, é wun tsə́nsí á wír fo wun wùn wo wù loòn á fo nsay Benjamin. Samuel yéné, wù yòʼ á wun e meŋgvə́r mè ji ŋgaà saʼ wo wù wáa saʼ wír Nyùy Tàr veé Isray. A wun wíy sə a áwune fo wír veé Filistiàá wo, bìʼ fo wun yenen á ne ŋgeʼ se wìr və́, e kfə̀n yù á tóŋ yév.

2 Wòŋ 22:7

Wù wáa dù bèy, a Nyùy síysí ne ji wun yíi shaà fo kiŋgàn ke wù du fo Joram wùn, e màʼ a wun woo Fòn Ahasiya. Wù dù, e yèn Fòn Joram, wùn wun nèn lò, e fəə̀ ji á du, e yen a Jehu woo wan Nimshi. Á wáa dù bèy, a Nyùy Tàr kì shòʼ ne Jehu ji wù laar á kfə́ə Ahav.

Ŋgàn 21:1

Shilív shé fòn shi dzə̀ e Nyùy Tǎr kiwo, a wù danèr moo ndzə́v ye wù yii, a yí léŋ du fo wù koŋè.