Ŋgàn 16:8 - ŊWÀʼ NYÙY

⁸ Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.

Ŋgàn 16:8 Referans Kwoze

Ŋgàn 15:16

A sì kùʼ, e tò é ŋgeʼ, bòŋ shishàr wùn à ghvə́m Nyùyi.

Nsùyrì Nyùy 37:16

Bòŋ shishàr she wìr wo wù yúnin Nyùy kérí. Kí bòŋ, e shaà kikùʼ ke wìr wo wù méŋ Nyùy.

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Mayka 6:10

A dzə̀ rú féyì m làysìn bùʼ wo wír ve bií shwìvìn wíri, a ker aáwuné melav a? A dzə̀ rú, m làysìn mfìʼ kinshwìv ye áwune lo, á wàa fìʼ vifá ve wíri shó a?

Ŋgàn 16:7

Yíi wìri lóo gheén Nyùy Tàr, wíri wàa gbù e wùn wó, fə̀m aàŋgaà və́ vibàné shó.

Ŋgàn 16:9

Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Ŋgaà Tàrvìnyò 4:6

Kí bòŋ ji à lim ji weè, e kòóy séʼ shishàr, e shaà fóo lìm, e sòrkìr ji à koóy séʼ e kuʼùn. Sorkìr yee béne kù dzə̀ kinyo kisáŋ, a dzə̀ moo ji wìr jum shwér ji wun koó.

Ŋgàn 15:17

Bòŋ a yi vikwiíy é mvə̀m kikòŋnìn, e shaà fó a kfər mbòŋ e mvə̀m kinyàm.

Ŋgàn 17:1

Bòŋ a yi kimbéʼ ke kiban e lav nyaáŋ, e shaà ŋkàʼ wó a yi e lav kinyàm.

Ŋgàn 28:6

Bòŋ ŋgaà kitàn wo wù tíy e wun suuyrú, e shaà ŋgaà mbàm woo ŋgaà kiŋkùvrì.