Ŋgàn 16:7 - ŊWÀʼ NYÙY

⁷ Yíi wìri lóo gheén Nyùy Tàr, wíri wàa gbù e wùn wó, fə̀m aàŋgaà və́ vibàné shó.

Ŋgàn 16:7 Referans Kwoze

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

2 Wòŋ 17:10

Nyùy Tàr‑iì yiì, kindzə́m kí gwàr vitúm ve ví‑iì kaarin Juda vidzə̀m, ví nèn fàn fó kfə̀n nəə́ Fòn Jehoshafat e rə́r sí.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Jeremia 15:11

Nyùy Tàr bìnèr e mo jii, «E ké ru kí, m yíi lùŋèr wò, áà wáa dzə e shií, ŋgeʼ si lóo nəə́, vinyo vi lóo ghaʼ, é m kú a yiì, áàŋgaà vé vibàné wáa wìy, a mbaà a dzə̀ wò.

Kèʼlo 33:4

Esav ló kfə́, e tùmnín, e baàmé wun baamén, e nyòʼtì, kitú ki lùm áwune, á dìynìn.

Kèʼlo 32:28

Wù suúy shó jii, «Yír yée yòʼ kfə̀n dzəə́ yiì a dzə ji Jakov. Á yíi a yòŋ wò lèn ji Isray, bìʼ fo à fùnèn Nyùy, e kfə̀n fùnèn wíri, e kù sò.»

Kolosia 3:20

Ven vee wón, vèn kú a yu atàr vén wùn aàyìy véné ghán sidzə̀m. Á kinyo ke Nyùy koŋ ji vèn wáa yiì.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Nsùyrì Nyùy 69:31

Kí yíi bòŋ Nyùy Tàr, e shaà cu yee mbòŋ, kìn yee lúm nyàm wo wú kér loŋ wùn à mfay sií.

Kèʼlo 27:41

E bǎm vinyò vìn, Esav nèn a bàn Jakov bìʼ kisəəvì kfə́ ke tàr wov foon shó. Wù wáa sev fo wùn bvə̀m ji tàr wov yíi kpu, á diy kpú, maysì, é wun ku yùyrí a Jakov.

1 Pita 3:13

A vèn lò, a yiì a dzə̀ vinyo ve juŋ vi bey, bo dzə̀ kfə̀n yiì la ven e kinyo ki?

Ŋwàʼ Fəə 3:21

«M yíi yiì, é wír veé Ejivi ku ghvə̀m ven, vèn lóo lò, é la vèn yòʼ a lò e wó yéné e yúmér.

Ŋgàn 3:17

Ví yii, a wìr dzə́ e vijùŋ, kiŋsìn ŋgaàŋ, a wù dzə́ ji nyaáŋ.

Ŋgàn 16:8

Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.

Jeremia 39:12

«Dù, e lì Jeremia, a leéy fo fo kijuŋ, e làa yòʼ a nyàvrì sho. Kú a yiì e wun mo wù yíi a yòŋ.»

Jeremia 42:12

M yíi sham ven, e yiì, é wù wáa ker mendzən, e màʼtì ven e yéen yee nsay.›

Daniel 1:9

Nyùy nèn yiì, Ashpenas woo kitú ke nsheèlav kìy ki shóʼ Daniel, a kòŋ, e kfə̀n a rər mendzən mvə.

2 Wòŋ 20:30

Á bèy, woŋ Jehoshafati nèn a ker nyaáŋ, bìʼ fo Nyùy və‑əə̀ foon wun rəsìn mbìv sidzə̀m.

Esra 8:36

Vé‑eè lì sá ŋwàʼ fòn, e dù fò e taà saʼ woó mbìv wòŋ ye á liysin ne Yufret wùn à və́ vé lìme. Áwune nèn a tom wíri, a tom vinyo ve lav Nyùy.