Ŋgàn 16:6 - ŊWÀʼ NYÙY

⁶ A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

Ŋgàn 16:6 Referans Kwoze

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

Daniel 4:27

Nyàr, kí nén a dzə a jii, fòn ku yù á ntir yem. Á ku tìn á kiwuú fó yiì ye bií, a tiy a dzə̀ á e yiì ye juŋe, e fətí wó fo vinyò ve bi ví, a sham a dzə̀ aghéʼncey. Á yii bèy, e ghanmóʼó, aá kfən shaà fo mbìy, a yu a vijuŋ.»

Ŋwàʼ Luk 11:41

Ke vèn kì yíi a yiì ki dzə̀ jii, vèn wáa jàv vifá ve vèn kérí e vé ŋgeʼe, é melív men mè nèn a ran ranén vinyo vidzə̀m.

Ŋgàn 14:27

Yúnín yé a yunín Nyùy Tàrí dzə̀ ntoò ndzə̀v ye yì fó dzəʼə̀m, a yí kiŋsìn wír fo wù li é vitam ve kpu.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋgàn 20:28

A fòn rə́r mendzən, suuy suuyrú, bo kí yíi dàrìr sáʼ rə́. Wù wáa ker wíri kijuŋ, bo sáʼ rəə́ wíy dù, e jòʼsì.

Lim Aŋgàa Ntum 15:9

Wù kfən làysìn ajay vév, bìʼ fo áwune‑eè wayin shilív e Jesus wùn, e làa yòʼ a dìn jeéyjeéy fo vèsən à wír vee shooyi gheéy.

Nehemia 5:15

Yii bèy, atǎr saʼ ve vé‑eè dzəə̀n e mǒ mbìyi‑iì rə́ʼəy wíri, sə́ mbàm *ashekel mkweè, a dzə̀ see kisha ke mbàm ke fəvír kí, ji mbàm se taà saʼ se viyikìr wùn à sé melùʼ seé kishiíy sí. Aŋgàa lìm véví kfə́n a nə̀ʼsì sa wíri. Fo kém kí, bó m yòʼ yii bèy, bìʼ fo m ghvə́m Nyùy.

Nehemia 5:9

M nèn shaà fo mbìy, a suúy jii, «Kinyo ke vèn yii ki yòʼ gheenè. Vèn kì yíi a fàn Nyùy wòsən, a ghan e wun mbòv fo vèsən shoór kitú, é vitúm vee aŋgaà vesə́n vibàné wáa jàʼ vèsən.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Efesor 5:21

Kímóʼ kí nén a dzə jii, ven vee wír Kristùu wáa fonín a vitú vén. Vèn lóo yiì bèy, bo á ghvə́m a dzə̀ wun woo Kristu.

Joon 15:2

Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Nsùyrì Nyùy 85:10

é vinyo ve Nyùy wùn à wír və́ ví nèn shèmsín, shémsinè, é wù wáa kòŋ áwune, aá wáa tiy e wun wùn. Á kù wíy a yiì vinyo ve ru ví, é wù wáa fo áwune nyaáŋ.

Kèʼlo 20:11

Abraham bìnèr sho jii, «Mò‑oò rəm jii, bó fan Nyùyi yòʼ dzə̀ á e wòŋàn, fə̀m à shishàr sho. A yì‑iì dzə̀ á yùyrí mo bìʼ wíiy wom.

Ŋwàʼ Fəə 1:17

Yii bèy, amáŋkooy vìne wáa dzə wír ve vé‑eè fan Nyùy, á nèn a lèm wón vee vilum atin, e làa yòʼ dzə́ə a yiì mo fòn‑eè suuyin.

Ŋwàʼ Fəə 20:20

Mooser nèn sùúy e wíri jii, «Lá vèn yòʼ a fàn. Nyùy wìy ji vèn kiíy mo wù koó, é fan Nyùyi fíʼ a dzə e věn meliv, é la vèn yòʼ dzəə yiì jày kinyo e wun.»

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋgàn 16:5

Wìr lóo kùm kiŋkùm, Nyùy Tàr wàa bàn wun, rúrú, a bó áwune yòʼ wíy bòy fo ŋgeʼlàʼ.

Cù 25:17

Lá wìr Isray yòʼ bòʼ wùmòʼ woo wír. Vèn kú a dzə, a fàn a dzə̀ Nyùy Tàr woo Nyùy won. Dzə̀ mo Nyùy Tàr woo Nyùy won.

Remrí 30:13

Sí yòʼ dzə̀ sá e ndzə̀n rìbà ndzə̀v wùmòʼ fo vèn wìy a yòŋ jii, ‹A dzə̀ lìysín la ndzə́v, e lì, e wìy, e yèn ver shó, é vèr yú, a yiì?›

Ŋgàn 3:3

Lá à yòʼ a yàr fó a way wíri e wò wùn, a leéy fo áwune ghán sidzə̀m. Lèm vinyo vìn vi e wò vifií, e wày e wò wùn moo vifá ve sùsù.

Ŋgàn 14:2

Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.

Daniel 4:24

«Nyàr, á yú á mo nsàv wàa dzəə̀n. Á yú á mo Nyùy woo Taà Vitu tinen á ji kí waà yíi koóy tàr wor woo fon.