Ŋgàn 16:32 - ŊWÀʼ NYÙY

³² Wìr wo wù rəər dòʼshwíiy və bòŋ, e shaà ntav, a wo wù kfə́menè bòŋ, e shaà ŋgaà rə̀r wo wù soon ŋkàlaʼ.

Ŋgàn 16:32 Referans Kwoze

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Ŋgàn 15:18

Wìr lóo lùm shilív, wù màʼ melaà, lóo kfəmén e wun dòʼshwiíy, wù sə̀r kitáŋnìn.

Ŋgàn 25:28

Wìr wo bó wù yòʼ kfə́men e wun dòʼshwiíy, dzə̀ moo ŋkàlaʼ ye á bvəʼən ne, e nə̀ə́ sho, a bó yì yòʼ kfə̀n dzəə́ kér kay ye yí kiŋsìnè.

Ŋgàn 14:29

À kiiy móo kfəmén e wò dòʼshwiíy, bo à dzə̀ fií, a wìr woo ŋgaà dòʼshwiíy dzə̀ kfə́ kiyúŋ.

Ŋwàʼ woó Rom 12:21

Kidzə̀m ki nén a dzə jii, lá vèn yòʼ fò á kintóʼ e kinyo ke bi kí. Vèn wáa yiì vinyo ve juŋ vi, a so ve bi ví shó.

Ŋgàn 19:11

Wìr fiirì, wù wàa kfəmén e dòʼshwiíy, ŋwáy kitáŋnìn, wù wàa ker ghvə́m.

Nsùyrì Nyùy 103:8

Nyùy Tàr kér mendzən, kfə̀n shám wíri, lo ji weè e dòʼshwiíy, din koŋ rə́ ye ghaʼáné e wíri.

Efesor 5:1

Vèn wáa kuumé ji vèn dzə̀ wón Nyùy, a wù koŋ ven é ŋàŋ. Vèn ku nèn a yiì mo dzə̀ wóné wàa yiì, a bìʼnìn liì a dzə̀ wo Tàr wov.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Ŋgàn 16:19

Bòŋ, e lì kitú ké shishàr, a dzə vèn à vé ŋgeʼe, e shaà fóo jàv vifá ve kimfaàsì vèn à vé kiŋàʼa.

2 Afòn 5:12

Bó ndzə́v yee Abana wùn à yee Farpar se sí dzə̀kìn é Damaskus si yoʼ bòŋ, e shaà ndzə́v seé Isray sidzə̀m à? Bó yòʼ kì dzə̀ m sù wún wóm a dzə̀ fó, e bònén à?» Wù nèn bìnkìr, a kfən e bàm, a kilòŋ kí shwiiy wun e ŋàŋ.

Ŋgàn 16:31

Kitú ke fəvír kí dzə̀ ntáraʼ vikùʼùy, a dzə̀ vilaámé vé dzə̀ʼə̀m yee tìítiy.

Ŋgàn 16:33

Wíri lo, á shwèŋ kinyo shwéŋén, yii bèy, a kinyo ke ru kí kù yii din Nyùy Tàr.

Ŋgaà Tàrvìnyò 7:8

Kimaysì ké kinyò ki bòŋ, e shaà keʼ, a lòweè bòŋ, e shaà kiŋkoʼòrwùn.

Ŋgàn 25:15

Jwi lo ji weè, yì bùr kighvə́r, wìr lo ji weè, wù kùvsín kwaʼtì taà saʼ.

Ŋgaà Tàrvìnyò 7:9

Lá à yòʼ a tav, a shwiíy kilòŋ. Kù yii lem viyúŋ dòʼshwiíy e shiliv.