Ŋgàn 16:22 - ŊWÀʼ NYÙY

²² Wìr keéri vifií, bo wù sí kér ntoò ndzə̀v ye yì fó wun dzəʼə̀m, aá kù yii sər viyúŋ, a dzə̀ e kiyúŋsì kév kí.

Ŋgàn 16:22 Referans Kwoze

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Ŋgàn 13:14

Ntir fiì dzə̀ moo ntoò ndzə̀v ye wìr nó, wù lùŋ, a yì kiŋsìn wír fo kpúu.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Ŋgàn 10:11

Wìr yú Nyùy, fəər jí, sí rəə̀r wír, méŋ Nyùy, fəər jí, sí màʼ melaà.

Joon 6:68

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Ŋgàn 18:4

Jí se sí fəə́ fo wìr shuù si dzə̀ moo ndzə́v ye yí shoon. Shúu wìri lóo fəə́r jí se sí kér vifií, wú wàa rə̀sìn moo ntoò ndzə̀v ye yì meé fo lòo nsay, léŋé.

Ŋgàn 15:28

Wìr yú Nyùy, wù wàa bìnèr kinyo, a mèy shintíy. Wìr wo wù méŋ Nyùy mvəʼ kfə́ shuu, kù a fəə vinyo ve bi ví.

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Ŋgàn 14:27

Yúnín yé a yunín Nyùy Tàrí dzə̀ ntoò ndzə̀v ye yì fó dzəʼə̀m, a yí kiŋsìn wír fo wù li é vitam ve kpu.

Ŋgàn 3:22

Ví yíi a dàrìr dzəʼə̀m yé, e sə wò, áà wáa ker dzəʼə̀m ye juŋe.

Ŋgàn 16:21

Fiì dzə̀ wír wo wù kiìn jeéyjeéy fó vinyò, a kiláyláy kfə́ ke juŋ ki dzəsì yéʼéy e wíri.

Ŋgàn 16:23

Fiì lo, wù wàa səʼə́m, e bó a suúy kinyo, jí sə́ se juŋ si wàa bìnèr vifií vé wíri.

Ŋgàn 18:7

Kiyúŋ kí lem shuu e rə́, kí bìvír kitú, kóʼor kitám kfə́, a kù dzə̀ e shuu vəə́.