Ŋgàn 16:21 - ŊWÀʼ NYÙY

²¹ Fiì dzə̀ wír wo wù kiìn jeéyjeéy fó vinyò, a kiláyláy kfə́ ke juŋ ki dzəsì yéʼéy e wíri.

Ŋgàn 16:21 Referans Kwoze

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 27:9

À sor meŋgvə́r é si, yí wàa yaané. À yóʼ wún e biʼi, wú wàa yu vijuŋ. Ŋkar yè tír wò, à wàa sheʼrí.

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

Joon 7:46

Á bìnèr jii, «Bó wìr yòʼ‑oò yiì ne sùŋnín moo wír woo shooy.»

Ŋwàʼ Luk 4:22

Wíri wáa yuurí vinyo ve wù suuyì, a ví boŋ e ŋàŋ, a ker gháʼ, a binsí wun, e bóo kfə̀n a kfə̀ynìn jii, «Bó və̀n yòʼ dzə̀ wan Joosev à?»

Ŋgaà Tàrvìnyò 12:10

Wù‑uù wày féyì ji wun tar á jí se gheenén sí, e bóo fíʼ saŋ vinyo ve wù sáŋé a dzə̀ mo ví yii dzə́.

Ŋgàn 23:15

Wan wòm, aà lòo dzə, a ker vifií, bo m yíi a yu vijuŋ.

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.

Nsùyrì Nyùy 45:2

Nyàr, á dzə̀ á wánlè nsùm, aá tò á sí. Á kì á kisúŋnìn feyì feyì. Nyùy bùʼ a ne wun e kisəəvì kee là may ki.

1 Afòn 3:12

bo mo‑óò fó kifá ke à lonen. M sí fó wò vifií ve à wáa kiíy jeéyjeey vinyò, kfə́ə ve wìr yòʼ‑oò yiì ne a ker, a wìr yòʼ wíy a ker.

Ŋwàʼ woó Rom 16:19

Mo wìr dzə̀m fə̀m kiìn ji vèn tíy kitávín é kinyò ke vé‑eè yeʼeyin ven shó, a m shéʼri ven féyì, m ku kfə̀n a tàʼ, e tir ven jii, vèn ku wày vifií, a tàr vinyo vidzə̀m, e fíʼ kiíy ke dzəə̀n ke juŋ ki, e baàmè ke bi kí.

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

Ŋgàn 16:22

Wìr keéri vifií, bo wù sí kér ntoò ndzə̀v ye yì fó wun dzəʼə̀m, aá kù yii sər viyúŋ, a dzə̀ e kiyúŋsì kév kí.

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Ŋgàn 10:13

Á kiiy fií bìʼ kisúŋnìn. À yav lám, ŋgwàne toòmé wò.

Ŋgàn 10:23

Yú kiyúŋ vijuŋ e kinyò ke bi kí. Wìr fiirì, wù wàa yu vijuŋ ve njiìn wo juŋ.