Ŋgàn 16:2 - ŊWÀʼ NYÙY

² A dzə̀ wìr wàa yen ji vinyo ve wun yii vi dzə̀ á tìítiy, yii bèy, a kù yén Nyùy Tàr shilív shé ŋgaàŋ.

Ŋgàn 16:2 Referans Kwoze

Ŋgàn 21:2

Wìr lo, wù wàa yen ji wun tíy kfə́ tìítiy, yii bèy, a kù tar Nyùy Tàr shilív shé wìr.

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Ŋwàʼ Luk 16:15

Jesus nèn a suúy aáwune jii, «Kù dzə̀ ven vin ve á laarì sí wíri, din wún ji wír ve juŋe, a kù kì Nyùy melív men. Vèn wáa kiíy jii, vinyo ve wíri búri ji ví mèé e vinyò vi dzə̀ ve ví kóʼoy fo Nyùy kóʼóyín.»

Ŋgàn 30:12

Ŋgwàʼ rə̀n yén vitú vév ji á dzə̀ là nsem, yii bèy, aáwune dzə̀ə́ lóm lóm e Nyùy si.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Ŋgàn 24:12

Aà lò, a sù njò yè jii, «Rúrú, vèr yòʼ kì fó kinyò fèn,» bo bó Nyùy wo wù tar shilív shé wìr dzə̀m yòʼ kù yéné à? Bó ŋgaàŋ wo wù kíy dzəʼə̀m yé yòʼ kù kì kidzə̀m à? Wù yòʼ kù wíy a làʼ wír a dzə̀ mo lim rəə́ dzəə̀n a?

Nsùyrì Nyùy 36:2

Wù sumrì wún, ŋáʼri jii, Nyùy yòʼ yíi kiíy vinyo və́ ve bi ví. Wù yòʼ yíi kiíy, e bóo way wun e ŋgeʼ.

Ŋgàn 5:21

Kiíy jii, Nyùy Tàr kù leey njiìn wìr dzə̀m, kaʼày mo ghán yéví dzəə̀n.

Ŋgàn 16:25

Dzəə̀ ye wìr msòŋ yén ji ye juŋ, kù lo, e jòʼsì a dzə̀ é kpu.

Daniel 5:27

Nsàv ‹Vidzəə̀sì› din a ji Nyùy fìʼ ne wun, e yèn, aá wàá caár.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Ŋgaà Yen 2:18

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Tiyatira. A wú dzə̀ jii: «Kinyo kìn ki suuy mo woo Wan Nyùy. Dzə̀ mo wo wón sii njaʼkìr fo fo moo kiliímé ke və̀y, a wuú yémé rán, tókir moo kisha ke baar ke á naŋsin, e yètìr.

1 Samuel 2:3

«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.

Ŋgàn 12:15

Kiyúŋ kí lóo yen kfə́ ji dzə́ə sə́ sí dzə̀ tìítiy, fiì kù a yuurí kfə́ a dzə̀ ntir.

Kintaŋ 22:32

Nshìylav Nyùy Tàr dzə́r shó jii, «À dzə̀v kimbèʼbìy ké kee dzə̀v, e mèé akàŋ vee ataár bèn ji ka? Leéy, e yèn, m wìy bèn ji m sər á wò, bìʼ fo kinyo ke à taʼ, e yiì ki yoʼ ghèén mo.

Atǎr Nsaʼ 7:6

Wíri nèn sèr mendzə́v e wó yéví, a la laán wír ghii taár, kibér ke wìr ki tsə́m ndzəə́, e bóo no mendzə́v.

Atǎr Nsaʼ 17:6

Yì‑iì dzə̀ é ghan fóo fèy, a wír veé Israyi yòʼ sí kér fon, a wìr dzə̀m yii kinyo ke kí gheen wun.

Ŋgàn 17:3

Á yii sheŋrì *kisha ke mbàm ke fəvír kí, à ke baar kí e və́yí, a kù dzə̀ mo Nyùy Tàr tar melív me wíri.