Ŋgàn 16:19 - ŊWÀʼ NYÙY

¹⁹ Bòŋ, e lì kitú ké shishàr, a dzə vèn à vé ŋgeʼe, e shaà fóo jàv vifá ve kimfaàsì vèn à vé kiŋàʼa.

Ŋgàn 16:19 Referans Kwoze

Matio 5:3

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Nsùyrì Nyùy 138:6

Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.

Nsùyrì Nyùy 34:18

Shilív shí seem wír, Nyùy Tàr kù a dzə wùn ŋgaàŋ. Wù yii shám wír ve á dzə́ e nsòvkìtu, luŋèr áwune.

Ŋwàʼ Fəə 15:9

Ŋgaà vibàn dzə̀v nsaŋ jii, ‹M yíi jùm áwune, e koo. M yíi jàv káv wóv, e lì mbìv ye m koŋè. M yíi shoʼ nyùy yem, e laàr áwune e kiwó kém kí.›

Aysaya 53:12

Bìʼ bey, m wíy bùʼ wun, e fo ghay, é wù wáa jàv vifá ve á kuuyin fó kwaʼ rər e kfə́m sé wìr si. M wíy yiì bèy, bìʼ fo wù‑uù foon kitú kfə́, e kpù bìʼ wíri, e biìmé ji á tátí wun wùn à vé jayi. Wù‑uù bèʼèy ajay wìr anín, e kfə̀n tìím mbìy, ji á ku làysìn ajay vév.»

Aysaya 10:6

M tsə̀nsí ne wír veé Assiriya ji á du, e fùnèn wír ve á méŋ yéʼéy yém. M tsə̀nsí ji á du, e ghìʼ wír ve á ŋáʼar dòʼshwíiy wom vin. M tsə̀nsí ji á du, e shòŋ áwune, e kfə̀n faàsì vifá vév, e nyèŋrì áwune mo á nyèŋrì mfəə̀rì si é dzəə.

Aysaya 9:3

Nyùy Tàr, à dzə̀sì ne rám wìr vé, yí kú a kùʼ kùʼùn, e yiì, áwune wáa yu vijuŋ, a shaà mo vé‑eè yú fo mbìy. Á shéʼri wò, réŋréŋ mo wìr yii káv vifá fo sum, wù wàa sheʼrí. Á yú vijuŋ, réŋréŋ mo vé rərí faasì vifá fo shùu rər, á wàa jàv, a sàvnìn.

Ŋgàn 29:23

Wìr kóʼor wún, wù gbù, li kitú shishàr, á kù wìy a ghvəm wun.

Atǎr Nsaʼ 5:30

‹Bó áwune yòʼ bóŋri a dzə̀ nsàʼmboʼ e jàv, é wìr wáa ker wiíy e mòʼón, kìn abaà a? Ndzə̀y yeé kilùm wíy a dzə ye Sisera, ndzə̀y ye á tsəmen, yì wáa to sí, é ndzə̀y ye á tsəmen mbìv sibaà wáa dzə ye m yíi a keèrì e kilòŋ.›

Ŋgàn 1:13

Vèn áwune waà yíi kuúy a vifá vigháʼán, e bòm e věn melav.

Ŋgàn 1:14

À ku tàtí a ŋgoo yev, aá wìy a jàv nyanyày vifa.

Ŋgàn 3:34

Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Ŋgàn 25:7

Bòŋ ke á li wò líin, e kòʼtí sho e fòn ghaŋ, e shaà fo á shoór wò e taà saʼ si. Ké kinyò ke à yenen mo kí kooyì,