Ŋgàn 16:17 - ŊWÀʼ NYÙY

¹⁷ Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Ŋgàn 16:17 Referans Kwoze

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Ŋgàn 19:16

Wìr yúnin nsər, wù kìŋsìn kitú kfə́, ŋwáyí, wù dù é sày e kiwuú kí.

Ŋgàn 10:9

Wìr lóo ker yii ye juŋe, wù kìŋsìn kitú, lóo ker yé kisaŋe, wù gbù e Nyùy kitam.

Ŋgaà Yen 3:10

Mo vèn kù sí yú a dzə̀ kinyo kém, e toòmé ŋgeʼ ji nyaáŋ, bo wíy lòo dzə e ghan sé ŋgeʼ ye tavín, é m kim ven fó fo. A ŋgeʼ rə̀n dzə̀ ye yì wíy gbù, e sətí ndzə e dzə̀m, e fíʼ mùm wír veé kitu ke nsay adzə̀m.

Ŋwàʼ Jud 1:21

Vèn wáy vifií vén ví cáʼ ji vèn kú a yu a dzə̀ á fo Nyùy, é wù maysi, a kòŋ ven. Vèn wáa shìy ji nyaáŋ, é Taàtá wòsən Jesus Kristu wìy kfə̀n, e shàm ven, e lì, e wày é dzə̀ʼə̀m yee là may.

Hibru 10:39

Mo Nyùy fə̀m suuy bèy, bó vèsən yòʼ dzə̀ wír ve á tsəʼtì wún é bàm, e wìy nəə́ e kpu yee ŋkuuŋkùŋ, e lày. Vèsən dzə̀ késən, aá wày a dzə̀ shilív e Nyùy wùn, a kiíy ji wù wíy lùŋèr a vèsən.

Lim Aŋgàa Ntum 24:16

M nén a mùm fó a dzə e Nyùy wùn à wírí si, é la shilív shém shí yòʼ a saʼ mo.

Lim Aŋgàa Ntum 10:35

A wìr ghvə́m Nyùy, yii réŋ, a ŋgaàŋ fə̀m dzə̀ wír woó kitum kiné kí, bo wù ghèén fo Nyùy.

Matio 24:13

A wír ve á wíy lùŋe dzə̀ ve á wáy shilív e Nyùy wùn, du, joʼsì.

Ŋwàʼ Jud 1:24

M nén a way ven a dzə̀ e Nyùy kiwo. Dzə̀ wun wo dzə̀ wù wàa tom ven fo vèn gbu, a yiì, é vèn wìy a tiy e wùn si là shilóm, a yen rán rə́ ye ghaʼáné, a sheʼrí.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

Ŋgàn 4:23

Kìm kitú ké ki fó yiì ye bií, ku kìm, bìʼ fo yíi wìri kù lo a dzə̀ fó kinyò ke wù kwàʼtìn.

Ŋgàn 21:23

Wìr kim shuu və́, wù bòy fó melaà.

Ŋgàn 22:5

Dzə́ə sé ayìíkum sí dzə̀ vitám vitám, a dzə njoŋ njoŋ, wìr kim kitú kfə́, wù bàʼàr.