Ŋgàn 16:16 - ŊWÀʼ NYÙY

¹⁶ Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Ŋgàn 16:16 Referans Kwoze

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋgàn 8:19

Kifá ke kí lo fo mǒ kiwo kidzə̀m ki bòŋ e ŋàŋ, kí bòŋ, e shaà kisha ke mbàm ke fəvír kí, e kfə̀n bòŋ, e shaà ke baar ke á shèŋrìn.

Ŋgaà Tàrvìnyò 7:12

Vifií ví kiŋsìn wír, a mbàm si kiŋsìn wír. Yii bèy, a seʼ vifiì dzə̀ ji ví kiŋsin ŋgaàŋ, fo dzəʼə̀m rəə́ bír.

Ŋgàn 4:7

Bó kinyo kímóʼ kí yòʼ kfə̀n dzə̀ shó e shií, e shaà ji wìr keérí vifií ve ví lo fo Nyùy. A dzə̀ à wàa ker vifá vidzə̀m, yii bèy, a vifií ví shaà kidzə̀m.

Ŋwàʼ Luk 12:21

Jesus nèn màysì jii, «Á mo kí wíy koóy wír wo wù báʼti bùʼ a dzə̀ ji və́ə, e làa yòʼ a baʼtí, ji wun wáa yiì lim Nyùy sho.»

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Ŋgàn 3:14

Séʼ wo wù lo fo vifii vee ben bòŋ feyì, e shaà wo wù lo fo kishà ke mbàm ke fəvír kí, e kfə̀n shaà wo wù lo fo ke baar kí.

Ŋgàn 4:5

Lá à yòʼ làysìn, e bìn ndzə̀m e ntir sém sí. Kú a kiíy vinyo, a gwàrìr mo ví gháné.

Ŋgàn 2:4

Kú a tàʼ feyì mo wìr jùm mbàm, a tàʼ moo bùʼ wo wù dzəə̀n é kilìtì.

Ŋgàn 3:13

Bòŋ ké wìr wo wù keerin ne vifií ve ví lo fo Nyùy, a wù sí kiiy jeéyjeéy fó vinyò.