Ŋgàn 16:1 - ŊWÀʼ NYÙY

¹ Ntaŋ wo baán dzə̀ kinyo ke wìr msòŋ, a binèri kù lo a dzə̀ fo Nyùy Tàr.

Ŋgàn 16:1 Referans Kwoze

Ŋgàn 19:21

Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Ŋgàn 16:9

Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

Ŋgàn 20:24

Mo kù danèr Nyùy Tàr wir msòŋ, bo a dzə̀ wù ghàn é le, e bóo kiíy kibvəə́shí kfə́.

Jeremia 10:23

«Éè Nyùy Tàr, m kì ji bó yòʼ dzə̀ wìr tìr kitú kfə́, a bó yòʼ jòʼsì wír, wù kìíy mó a tiír kiwuú kfə́, a fìʼ.

Ŋgàn 21:1

Shilív shé fòn shi dzə̀ e Nyùy Tǎr kiwo, a wù danèr moo ndzə́v ye wù yii, a yí léŋ du fo wù koŋè.

Nsùyrì Nyùy 119:36

Yìi, é shilív shém shí wáa lùm e vinyò ve à foon, é la m yòʼ a jùm a dzə̀ káv woó nsay.

Ŋwàʼ Fəə 4:15

À yíi a yòŋ kinyo sho, é wù wáa suúy. M yíi a sə ven, é vèn wáa suŋnín, é m kfə́n a naàrì kinyo ke vèn wáa yiì.

Esra 7:27

Búríi wáa dzə fo Nyùy Tàr woo Nyùy atàr vér, wo wù wayin kwaʼtì yee moo rən e fòn shiliv, ji á fiʼ yiì lim yee Nyùy Tǎr lav ye yì dzəə̀n é Jerusalem.

Nsùyrì Nyùy 10:17

Nyùy Tàr, à yù ne rú tóŋ wìr ve á bórkir e wò si. À kù yii távir melív mev, teer kituʼùr ké, yuúri tóŋ yév.

Nehemia 1:11

Éè Nyùy Tàr, ku yuùrí bunrì ŋgaà lìm wòo. Ku yuùrí bunrì aŋgàa lìm vée, áwune ve á tiir vifií vév ji á kú a ghvəm a dzə̀ yír yé. Fó ŋgaà lìm wò vishí ve juŋ vi lán, e fíʼ yiì, é fòn wáa ker shilív she juŋ shi vèr wun.» Yì‑iì dzə̀ é ghan fen, a wáy mo bóm fòn.

2 Wòŋ 18:31

Amfòómé veé vitenténé yiì dù, e yèn Fòn Jehoshafat, e nèn a kwàʼtì ji fèn dzə̀ á fon woó Isray. Áwune bìnkìr ji á funèn a wun, wù tóŋ kitávín, Nyùy Tàr sə́ wun, e jùm áwune fo wun ghaŋ.

2 Korin 8:16

M beerì Nyùy feyì mo wù yiìn, shilív shé Titur shi wáa lùm fo vèn ghán sidzə̀m mo shém shí lumè.

Ŋgàn 15:33

À lóo ghvəm Nyùy, bo à kèʼ ne, a ker vifií. Wìr kù merìr yúnín ŋkuŋén, bo wù wáa ker ghvə́m.

2 Samuel 7:5

«Dù, e sùúy e Davir woo ŋgaà lìm wom ji a sà kì dzə̀ bàʼrì wun lav ye m wáa dzə sho a?

Ŋwàʼ Jov 17:11

«Vishiíy vém ví mày ne, antaŋ vémé bvəə́rí, e bvəə̀rí adzə̀m, à kinyo ke shilív shém shí tíy sho ki.