Ŋgàn 15:9 - ŊWÀʼ NYÙY

⁹ Nyùy Tàr yii nyaysì liì wìr ve á méŋ wun, koŋ wír ve á yii kinyo kee tìítiy.

Ŋgàn 15:9 Referans Kwoze

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

Ŋgàn 21:21

Wìr lóo jùmrì kinyo ke Nyùy taʼà, lóo sham wíri, bo wù yíi a ker dzəʼə̀m ye dáa, é Nyùy wáa binsí wun, aá wáa ghvəm wun.

Matio 7:13

«Vèn wáa tàʼ dzəə yùv a dzə̀ fó shuù wo wú fárninè. Shuu wo kuʼùné nəə a dzə̀ é və̀y, a dzəə̀ dzə̀ fó e táʼámén, a wíri shaa sho nyanyày.

Habakuk 1:13

Nyùy Tàr, sí yée yòʼ dzə̀ kfə́ə si yé a yen yii ye bií, bó yòʼ dzə̀ féyì, à tìím, a leéy vé yiì ye bií. Abaày, a dzə̀ à ghàn é le, e bó a leéy wír ve á méŋ wò leéyín? Áwune laar wír ve á yúnin wò, aà dzə́ kisə́sə, bìʼ ka?

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›

2 Timoti 2:22

Mo kí dzəə̀n ben, lá à yòʼ a way vifií é vinyò ve kisaŋ vi ve wónlèé yii kér shií shó. Ku wày vifií ví ji à wáa yiì a dzə̀ á vinyo ve ru ví, a way shilív e Nyùy wùn, a kòŋ wíri, a dzə ji nyaáŋ mo wír ve á tíy kév wùn à Taàtá wòsən Jesus Kristu shilív shimòʼóne yii yii.

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Aysaya 51:1

Nyùy Tàr suuy jii: «Vèn yuúrí, ven ve á wáy ŋàŋ ji á kú a yiì vinyo ve ví dzəə̀n réŋ, diy ji á wáa ghan e Nyùy Tǎr mbòv, vèn shoóshí kilán ke vèn sanen fó fo ki, wun woo ŋgaà wo vèn ràmèn fo wun bvə̀m.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Ŋgàn 21:8

Ŋgaà jay kù yii ghán kfə́, a dzə̀ é dzəə yee kintéŋ, a lànjò yii kfə́ kinyo, a dzə̀ kee tìítiy.

Ŋgàn 21:4

Wìr wo wù méŋ Nyùy kù yén a dzə̀ kitú kfə́, ghaŋghàŋè. A vinyo və́ vidzə̀m vi dzə̀ ve bi ví.

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Nsùyrì Nyùy 1:6

Nyùy Tàr kù yii shiy wír ve á yúnin wun, a wír ve á méŋ wune kù wíy lày kév láyin kisáŋ ŋkuuŋkùŋ.

Remrí 7:13

Wù kù wíy a kòŋ ven, a səə̀vì ven, e yiì, é vèn wáa kùʼ. Wù wíy səə̀vì sa kidzəə́y kén, e kfə̀n səə̀vì nsay yen, é yì wáa fəə́r vifá ve yi, a fəə́r meluʼ, a fəə́r meŋgvə́r. Wù wíy a səə̀vì nyám sén, é sí wáa dzəəkír e nsay ye wù‑uù kàʼàn atàr vén shó ji wun wíy fo e vèn.

Nsùyrì Nyùy 139:24

Leéy ó, e yèn ji m sà ghán e mbǒv kinyò ke bi kí á? Ku lèéy, a dànèr mo e wò mbòv wo dzəə̀n wo ruú ŋkuuŋkùŋ.

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋgàn 15:10

Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

Nsùyrì Nyùy 5:5

Bó yòʼ dzə̀ vé kiŋkoʼòrwùné wàa dzə vèn áwune. À yii ban vé yiì ye bií adzə̀m.

Nsùyrì Nyùy 11:7

Nyùy Tàr kù yii yii vinyo tìítiy. Wù yii koŋ yii yee tìítiy, a wír ve melív mev mè dzəə̀n tìítiyi kù wíy a wàrkìr e wun si.