Ŋgàn 15:30 - ŊWÀʼ NYÙY

³⁰ Wìr bvətì vishí, wúné bòŋ wíri. Á yú sáʼka wo juŋ, á wàa sheʼrí.

Ŋgàn 15:30 Referans Kwoze

Aysaya 58:11

Mo woo Nyùy Tàr, m yíi a dànèr ven ghán sidzə̀m. M yíi a nəʼsín ven e vifá ve juŋ ve vèn kér shií shó vi, a yiì, é vèn wáa dzə atávkín. Vèn yíi a dzə kijuŋ moo kiboó ke á wáyri mendzə́v shó kijuŋ, a bun bunén é mvə̀m vifa moo ntoò ndzə̀v ye yì léŋ ghán sidzə̀m.

Ŋgàn 25:25

Sáʼka wo juŋ wo wù wìyìn kwaʼda, dzə̀ moo mendzə́v me rəə̀n me wìr nó, kilòŋ kí rə̀sìn.

Ŋgaà Yen 22:5

Nyùy Tàr, wun woo Nyùy wíy kàʼày áwune, é la ndzə yìmòʼ yòʼ kfə̀n a dzə ji yee vitsə́ʼ, é bo á wáa tàʼ kikaʼày, kìn ji á wáa shìy ji shùy tó. Áwune wíy a dzə fo lèn ji rám vifòne, a saʼ vifon vév ghán sidzə̀m, viyá viyá là may.

Ŋgaà Yen 21:23

Wír vee fóo yòʼ dzəə́ kér shií é ŋwee, kìn shúy, bìʼ fo rán ye yí lo a dzə̀ fo Nyùy wùné bán fo ghán sidzə̀m. Wàn Njiì Nyùy kfə́n a dzə kikaʼày ke kí kaʼày fó.

Ŋgaà Tàrvìnyò 11:7

Rúrú, kí bòŋ e le féyì ji wìr wáa dzə sho, a yen mo ndzə rán kishiíy kidzə̀m.

Ŋgàn 17:22

Shilív shee nyaáŋ shí yii, a wìr dzə́ kitávín, a she ndzəʼə́n shí fó a dzə̀ kinjuùmé.

Ŋgàn 13:9

Wìr yúnin Nyùy, wù wàa dzə moo kikaʼày ke kí bán kijuujùŋ, a wo wù méŋ Nyùy dzə̀ kfə́ moo kikaʼày ke kí sí ndzə́menè.

Nsùyrì Nyùy 89:15

Nyùy Tàr, bòŋ ké wìr ve á shéʼri wò, ndzə́ʼ wò ji Fon. Áwune ghán, warkìr e mvə̀m ran ye à fó aáwune.

Esra 9:8

Yii bèy, e ké lèn ki, Nyùy Tàr woo Nyùy wor, à shàm ne ver, e yiì, ver ámóʼó bóy. À lèm ne ver a dzə̀ e wò kirə̀ʼ fen, e rànér sí yér, vèr meémé fo věr kibèʼèy.

Ŋgàn 3:8

Aà yii bèy, bo liì wò yíi a dzə moo kifú ke kí yíi yiì, é wún wóo wáa dzə kijuŋ, e kfə̀n a dzə kitávín.

Ŋgàn 15:29

Nyùy Tàr kù yii yú bunrì wìr ve á yú wun, bin ndzə̀m e wír ve á méŋ wune.

Ŋgàn 15:31

Wìr yú ntir, wù kfə̀n é fiì.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.