Ŋgàn 15:3 - ŊWÀʼ NYÙY

³ Nyùy Tàr kaʼày virə́ʼ vidzə̀m, kíy wír ve juŋe, à ve bií.

Ŋgàn 15:3 Referans Kwoze

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Jeremia 16:17

M yén kinyo kidzə̀m ke áwune yii. Ke kí dzəə̀n é kilìr fo mò kí yòʼ dzə̀. M kù yén vinyo vév ve bi ví vidzə̀m e sí yémé.

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.

2 Wòŋ 16:9

Nyùy Tàr kíyri kitú ke nsay kidzə̀m, ji wun tóm á wír ve á ghán tìítiy mo wù taʼà, e tom bèn e mbòŋén. À lò ne, e yiì a dzə̀ kiyúŋ. Kèʼ fo lèn, rə́r sí kù sí wìy a ghiʼ wò ghíʼín.»

Ŋgàn 5:21

Kiíy jii, Nyùy Tàr kù leey njiìn wìr dzə̀m, kaʼày mo ghán yéví dzəə̀n.

Ŋwàʼ Jov 31:4

Bó Nyùy yòʼ kù yén yii yém e dzə̀m à? Bó m yòʼ kù shóʼ kiwuú, a wù baʼ kiwó à?

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Ŋwàʼ Jov 28:24

Nyùy lo, wù wàa leéy virə́ʼ, a dù, a meé fo kitú ke nsay ki ndzə̀yìn, a yen kifá kidzə̀m ke kí dzəə̀n é sar shùy,

Ŋgàn 15:4

Jì yee weè dzə̀ moo kicí ke wìr yí, wù lùŋ. Kimboʼtì ki nəə sho, kí wìy a dzə̀ e nyári.

Sekariya 4:10

A dzə̀ wír, a wù‑uù káy kéʼ kinyò, a yí yénsin fo tèr, bo wù wíy yen, a Serubbabel bóm lav cù, du fo mbìy, é wù wáa sheʼrí. Ké làm see saàmbà sìy, kù dzə̀ sí Nyùy Tàr ye yí kíyri kitú ke nsay, yén kinyo kidzə̀m.»

Ŋwàʼ Jov 24:23

Wù lo, wù kìŋsìn áwune fó shintàm, aá kù yéʼti a dzə̀ shó, yii bèy, a wù kù wáy sí aáwuné wùn.

Nsùyrì Nyùy 33:13

Nyùy Tàr maʼ sí fo yuv, wù yèn wón wìr msòŋ adzə̀m.