Ŋgàn 15:25 - ŊWÀʼ NYÙY

²⁵ Nyùy Tàr saʼtì lav wìr wo wù ŋaʼà, kiŋsìn kéŋ wiíy ŋkfə kíŋsin.

Ŋgàn 15:25 Referans Kwoze

Nsùyrì Nyùy 146:9

Nyùy Tàr leey fo abeèshàa. Wù leey sa fo vikǐy ŋkfəə, leey fo wón vee alàtàrí. Yii bèy, ké wìr ve á méŋ wun ki dzə̀, a wù yii, aàntaŋ véví korkìr kòrkìn.

Ŋgàn 23:10

Lá à yòʼ kùvsín bìíy ŋgvən yee fó yàŋgùʼ, e nə̀ə́ e wón tsə̀ə́ virə̀ʼ.

Ŋgàn 14:11

Wìr lóo tiy réŋ e Nyùy kinyò, lav rə wàa kuy, wìr méŋ Nyùy, lav rə bvəə̀rí.

Ŋgàn 12:7

Nyùy laar dzəʼə̀m wìr ve á méŋ wun, bo kév kí kù mày ne, a melav me wìr ve á yii mo Nyùy taʼà mè kù tíy fo ji ŋkǐŋ.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Daniel 5:20

Yii bèy, kiŋkoʼòrwùn kí nèn lò, e sùm wun, wù wáa tav kitú, a kùm a kiŋkùm, yii kinyo ji wìr woo moo wun sà dzə̀ la á. Bìʼ bey, Nyùy sén wun fo kàvàʼ, e sə̀ vikuʼùy ve wù‑uù sí kérí.

Aysaya 2:12

Nyùy Tàr woo Taà Mànjòŋ shòʼ ne kishiíy, kishiíy ke kinyo ki wíy koóy wír ve á kóʼor wún, kóʼor, yén ji moo áwune yòʼ dzə̀. Wù wíy sèn wir dzə̀m wo wù kóʼor kitú kfə́,

Nsùyrì Nyùy 138:6

Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Nsùyrì Nyùy 52:5

Yii bèy, Nyùy yíi sènèr wò ŋkuuŋkùŋ. Wù yíi sèn wò, e sə̀ŋ, e fəə́r fo wò kibàn, e laàr wò fo kitu ke nsay láarin.

Remrí 19:14

«Vèn wíy lóo dzə e nsay ye Nyùy Tàr woo Nyùy won fó e vèn ji vèn yov ji vitsə́ʼ, lá vèn yòʼ kùvsín bìíy se vèn aàfə́r véné, se wìr ŋgùʼ‑uù toʼtin, e wày tíy fó.»

Nsùyrì Nyùy 52:1

Ntav və̀n, à buʼtì vinyo, dzəv nsaŋ bèn a dzə̀ ka? Nyùy kù tíy wùn à wír vəə́ kishiíy kidzə̀m, kiŋsìn áwune.

Ŋgàn 15:26

Nyùy Tàr nyaysì antaŋ ve bií, shéʼri kiláyláy ke juŋ ki.

Ŋwàʼ Jov 24:21

Áwune lo, á wàa shwìv wiíy woo kár, a bó wù yòʼ kér wán wo wù bin kinyo kfə́, a bó áwune yòʼ yii kinyo ke juŋ kímóʼ kí e wiiy ŋkfə.

Nsùyrì Nyùy 10:14

Yii bèy Nyùy, aà kù yén, kfə̀n səəm wír ve á yén ŋgeʼ, dzə́ e mendzə̀n, aà dzə̀ kibáʼtín ghán sidzə̀m móo sə áwune. Áwune kù kiʼ a dzə̀ wò, aá yòʼ kér wír wùmòʼ wóo beè. Kù dzə̀ wò wo à yii sə́ wón tsə̀.

Aysaya 1:17

e yèʼéy yii a dzə̀ ye juŋe. Vèn ku wày ŋàŋ, a yiì vinyo a dzə̀ vee tìítiy. Vèn yén wír wo wù nyavrì e wíri, vèn kàntì ŋgaàŋ. Vèn ku kìŋsìn gháy wón tsə̀ə́, e tòm vinyo ve vikǐy ŋkfəə.

Jeremia 5:28

Áwune fàŋkìr ne, a beʼ virə́ʼ. Yii yév kisaŋe tònén ne. Áwune yòʼ bin nsaʼ wàn tsə̀, fó sho, a bó á yòʼ kiŋsìn gháy ŋgaà kitàn.