Ŋgàn 15:23 - ŊWÀʼ NYÙY

²³ Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Ŋgàn 15:23 Referans Kwoze

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Ŋgàn 12:14

Jí se ru sí kù dzə̀ wùn à vilaʼày və́ ví, réŋréŋ mo ŋgaà lìm kù yii dzə́ sa wùn à vilaʼày və́ ví.

Ŋgàn 16:13

Fòn yii koŋ e yu a dzə̀ suuyrú, shéʼri wír wo wù suuy suuyrú.

Ŋgàn 24:26

Wìr fó binèr ye ruú, kí wàa dzə mo wìr baàmé ŋkar rə, a nyòʼtì.

Ŋgaà Tàrvìnyò 3:1

Á bèy, kinyo kidzə̀m ki kù kér ghán sə́, a kifá kidzə̀m ke vèsən yii ki kù kér ghán sə́ se gheenén sí.

Ŋgàn 15:22

Wìr buu ŋgaà ntir, antaŋ vəə́ bvəə̀rí, lóo ker, á wàa dù kijuŋ.

Ŋwàʼ Jov 6:25

Jí se suuyrú sí kér rú vitaáví féyì, yii bèy, a bó yòʼ dzə̀ mbìʼ won naàrì kinyo réŋ.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Ŋgàn 16:24

Jí se juŋ si dzə̀ moo ghám vilù, sí nyom e shuù, baʼrì jav wùn.

Joon 1:37

Wón lìm Joon víyi yú bey, e nèn a dù e Jesus bàm.

Joon 11:29

Maria yú, e nèn tùmnín, a dù fo.