Ŋgàn 15:21 - ŊWÀʼ NYÙY

²¹ Yú mbuù vifiì vijuŋ e wun kiyuŋsì, a fiì yii kfə́ kinyo tìítiy.

Ŋgàn 15:21 Referans Kwoze

Efesor 5:15

Vèn ku nèn a tiír rì kiwuú kén, a fìʼ, a ghan moo wír ve á kér vifií, e làa yòʼ a ghan moo viyúŋ.

Ŋgàn 10:23

Yú kiyúŋ vijuŋ e kinyò ke bi kí. Wìr fiirì, wù wàa yu vijuŋ ve njiìn wo juŋ.

Ŋgàn 14:16

Wìr wo wù kér vifií baʼàr ŋgeʼ, woo kiyúŋ kù a gùynìn, a to kfə́ shó toón.

Ŋgàn 14:9

Viyúŋ ví buʼtì vinyo, e làa yòʼ a ci, yii bèy, wír ve á yii réŋé diy kév a dzə̀ kimán.

Ŋgàn 11:12

Wìr wo wù káy wíri buu a dzə̀ vifií, a wìr wo wù kim kiliímé kfə́ dzə̀ fií.

Jeem 3:13

Wìr fo vèn wo wù yén ji wun kér vifií ve ru ví, a wun kì vinyo, ŋgaàŋ dzə̀ la? Wù din kitú kfə́ fó liì wo juŋ wo wù yii, a wù yii, e làa yòʼ a saà wún, mo vifií ve ru ví yii dzə́.

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Ŋgàn 14:8

Wìr fiirì, wù wàa kiíy jeéyjeéy fó vinyò, kiyúŋ kí lóo tav kfə́ ji wun kì, kí jày dzə́ə.

Ŋgàn 15:22

Wìr buu ŋgaà ntir, antaŋ vəə́ bvəə̀rí, lóo ker, á wàa dù kijuŋ.

Ŋgàn 4:25

Ku tùytí síi, a leéy a dzə̀ fó mbìy. Lá à yòʼ rə̀ʼ sí, e bìn fo səné.

Ŋgàn 4:26

Á tiír kiwuú ké ki, a fìʼ, áà bóo fíʼ a ghan kijuŋ.