Ŋgàn 15:19 - ŊWÀʼ NYÙY

¹⁹ Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgàn 15:19 Referans Kwoze

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Aysaya 30:21

Vèn yíi lòo dù e dzəə, lo ji á bin e koy yìyí, kìn e wó ŋkoòvìi, é ven yú jí rə fó bàm, a yì suuy jii, «Dzəə̀ yee réŋ rə̀ne, vèn bin shó.»

Ŋgàn 22:5

Dzə́ə sé ayìíkum sí dzə̀ vitám vitám, a dzə njoŋ njoŋ, wìr kim kitú kfə́, wù bàʼàr.

Ŋgàn 26:13

Wìr njoó, wù gòʼ ji bvərə̀ʼ dzə̀ é ndzə, bvərə̀ʼ dzə̀ á e dzəə yeé nsàn se laʼ.

Ŋgàn 22:13

Wìr njoó, wù gòʼ ji bvərə̀ʼ dzə̀ é ndzə, a m fəə̀ é dzəə, é wù yúyrí mo.

Ŋgàn 8:9

Sí kù dzə̀ tìítiy fo fiì sidzə̀m, a dzə̀ se ru sí fo wìr wo wù koŋ e kiíy.

Nsùyrì Nyùy 27:11

Éè Nyùy Tàr, yéʼéy mo, é m wáa ghan e wò mbòv, a dànèr mo é dzəə ye yì dzəə̀n é leŋ, bìʼ fo aŋgaà vém vibàné dzəə̀n anín.

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Nsùyrì Nyùy 25:12

Wìr wo wù yúnin Nyùy Tàr bèé? Nyùy Tàr kù yíi tir wun mo wù wáa tiír kiwúu kfə́.

Nsùyrì Nyùy 5:8

Éè Nyùy Tàr, aŋgaà vém vibàné dzə̀ anín. Ku dànèr mo, é m wáa yiì kinyo ke kí gheenen wò. Ku dìn mo dzə́ə ye à taʼ ji m wáa jùmrì.

Aysaya 57:14

Á wíy yòŋ jii, «Vèn túŋ dzə́ə, e nàŋsín, e rùnér. Vèn tsəʼ kifá kidzə̀m ke kí jívir fo wír Nyùyi wáa kfən e bàm.»

Ŋgàn 15:18

Wìr lóo lùm shilív, wù màʼ melaà, lóo kfəmén e wun dòʼshwiíy, wù sə̀r kitáŋnìn.

Ŋgàn 15:20

Wàn lóo ker vifií, kitàr kí wàa sheʼrí. Wìr yúŋsi, wù wàa leéy kiyìy ntéŋ.

Ŋgàn 6:6

Njoó ku lì mfìʼ fo vilií vi, e lèéy mo ví lo, ví wàa lìm, é ví yéʼéy wun.

Ŋgàn 11:5

Wìr lóo dzə là nsem, yii rə́ ye réŋé kìŋsìn wun. Wìr méŋ Nyùy, wù gbù e wun yiì ye bií.