Ŋgàn 15:18 - ŊWÀʼ NYÙY

¹⁸ Wìr lóo lùm shilív, wù màʼ melaà, lóo kfəmén e wun dòʼshwiíy, wù sə̀r kitáŋnìn.

Ŋgàn 15:18 Referans Kwoze

Ŋgàn 26:21

Mo á dzəy kikáysín, kí wàa ghèʼ ji káy və̀y, a meŋkaʼ mè shwí, dzə̀ réŋréŋ mo ŋgaà kinyàm kù yii keʼ melaà.

Ŋgàn 15:1

Wìr binèr kinyo ji weè, kí wàa ker kimán, binèr ji shwǎŋ, kí ŋàʼár dòʼshwiíy.

Matio 5:9

Bòŋ ké wìr ve á mán vinyo, bìʼ fo Nyùy wíy a yòŋ áwune ji wón və́.

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 14:29

À kiiy móo kfəmén e wò dòʼshwiíy, bo à dzə̀ fií, a wìr woo ŋgaà dòʼshwiíy dzə̀ kfə́ kiyúŋ.

Ŋgaà Tàrvìnyò 10:4

A taà saʼ shwiiy kilòŋ vèn wun, lá à yòʼ tèn lim yé, bìʼ fo, aà néŋ e wun si, bo dzə̀ wù làysìn jay wò.

Ŋgàn 16:28

Ayìíkumé samèr melaà e wírí mvəm, a ŋgaà viduu bvəər ŋkar si.

Ŋgàn 10:12

Vibàn ví lo, ví yìm kitáŋnìn, kikoŋnìn ki màʼ kimán.

Ŋgàn 28:25

Bòŋáyimo kù yii taʼ kfə́ a dzə̀ melaà, a vikuʼùy ví kù yii nəə wír wo wù wayin shilív e Nyùy Tǎr wùn nəə́n.

Ŋgàn 25:15

Jwi lo ji weè, yì bùr kighvə́r, wìr lo ji weè, wù kùvsín kwaʼtì taà saʼ.

2 Samuel 19:43

Wír veé Israyi bìnèr e veé Judàa jii, «Vèr kér ghay e Davir mvə̀m vifòn kilíŋ e ghvə̀m. Kér ver Fòn Davir feyì feyì. Vèn kì kày ver ji ka? Lá vèn yòʼ làysìn ji dzə̀ á ver wír mbìyi vée shù ji á siir á fon e bàm.» Á wáa taŋnín bèy, wír veé Judàa wáa nyarkír aáwuné kisuŋnìn, a shaà veé Isray.

Ŋgàn 15:19

Wìr njoó kfə́ njoón, akíghàʼá sùm wun. Wìr lóo tiy réŋ e Nyùy kinyò, vinyo və́ ví wàa ghan e mboʼ.

Ŋgàn 16:14

A dzə̀ dòʼshwiiy fòn laàr wír e kisəə, yii bèy, a fiì kù rəər kfə́ rə́ərin.

Ŋgàn 22:24

Lá à yòʼ shèm ŋgoo vèn wìr wo wù shwiiy kilòŋ, kìn ji à shém ŋgoo vèn wìr wo wù yòʼ kúʼti dòʼshwiíy.