Ŋgàn 15:17 - ŊWÀʼ NYÙY

¹⁷ Bòŋ a yi vikwiíy é mvə̀m kikòŋnìn, e shaà fó a kfər mbòŋ e mvə̀m kinyàm.

Ŋgàn 15:17 Referans Kwoze

Ŋgàn 17:1

Bòŋ a yi kimbéʼ ke kiban e lav nyaáŋ, e shaà ŋkàʼ wó a yi e lav kinyàm.

Ŋgàn 21:19

A sì ké a dzə e lav vèn wiíy wo wù nyamè, waʼrì, shwiiy kilòŋ, bòŋ keé bàʼrì, a dzə e kirə̀ʼ ké woʼ.

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

Filipi 2:1

M kì kijuŋ ji vèn à Kristu sì á kintatì, a wù távir melív men, koŋ ven é ŋàŋ, yii, a melív men mè lum ghán sidzə̀m. A m kfə̀n kì ji vèn à Kiyoy ke Nyùy ki suùsín ne sa, vèn kfən kìíy a mó a kòŋnìn, é wìr wáa way fə́r və é shiliv.

Matio 22:4

Wù kfən tùm ámóʼó jii, ‹Vèn kfən ghàn, e tiìsí e wír vee shooyi jii, m bàʼtí ne vifá vidzə̀m. M gwàr vinsòŋ ve nàʼ, e kfə̀n gwàr wón nàʼ ve faŋkìné. Áwune wiy ri, a yi a vijín vé wan.›

Ŋwàʼ Luk 15:23

Vèn kfən dù, e koò wan nàʼ wo faŋèn, e gwàr, é vèsən wáa kfər, a sheʼrí wán və̀n.

Ŋgaà Tàrvìnyò 4:6

Kí bòŋ ji à lim ji weè, e kòóy séʼ shishàr, e shaà fóo lìm, e sòrkìr ji à koóy séʼ e kuʼùn. Sorkìr yee béne kù dzə̀ kinyo kisáŋ, a dzə̀ moo ji wìr jum shwér ji wun koó.

Ŋgàn 16:8

Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.