Ŋgàn 15:14 - ŊWÀʼ NYÙY

¹⁴ Shilív shé fiì shí kù diy a dzə̀ kiíy, a kiyúŋ kí kù yú a dzə̀ fo kiyúŋsì ki.

Ŋgàn 15:14 Referans Kwoze

Ŋgàn 9:9

Á fo ntir a dzə̀ e fiì, é wù ku yiì màysì fìír. Á yeʼéy wír a dzə̀ wo wù yúnin Nyùy, é wù ku yiì dzə̀sì kiíy rə́.

Aysaya 30:10

Áwune lo, á wàa kàntì vé sii jii, «Lá vèn dzə́ə a yen vinyo, a suúy.» Á lo, á wàa suúy aàŋgàa ntum Nyùyi jii, «Vèn yén vinyo, mo ví fə̀m dzəə̀n rú, lá vèn dzə́ə a suúy e vèr. Vèn kú a fèr vinyo e vèr a dzə̀ ve vèr koŋ a yu, a fèr vinyo, a dzə̀ ve vèr kér shií shó.

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

2 Pita 3:18

Vèn ku wày kén vifií ji vèn à Taàtá wòsən Jesus Kristu wo wù‑uù tinen ven fó lòn nəə́nín, é vèn wáa tiy e dzə̀ʼə̀m ye wù bùʼùn ven shó, a kiíy wun, a dù duùn fó mbìy. Vèsən kú a burí wun, a koʼór yír rə́, e kèʼ fo lèn, e dù, e mày. Amen.

Lim Aŋgàa Ntum 17:11

Wír veé Juda vee fóo wáa dzə wír, aá yii kwaʼtì kinyo, e shaà veé Tesalonika. Á nèn a ker shií fó a yuurí kinyo ke Por wùn Silar. Lóo yuurí, á wàa yòŋ Ŋwàʼ Nyùy vishiíy vidzə̀m, a leéy fo fo ji kinyo ke áwune suuy ki sà kù yòʼ dzə̀ réŋ á?

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Hosea 12:1

Kifá ke wír veé Israyi yii ki kù dzə̀ shwér, e kèʼ fo kijàvndzə, e dù meé e ŋkuùr, kù dzə̀ kíwun ke á yii. Antaŋ vév ve bií kù du duùn fó mbìy, aáwune kù siíme a dzə̀ rə́r. Áwune gwar *mensaŋ wùn à wír veé Assiriyàa, li meŋgvə́r me *oliv, béʼ, du sho e Ejiv.

Aysaya 44:20

Ŋgaàŋ ghàn é le, e bó a ghvəm kifá, a dzə̀ ji kibvə́? Vifií və́ ví kù sì kimboʼtì kimboʼtì, a wù kù jày ne dzə́ə. Bó yòʼ dzə̀ wù kfə̀n fə̀ə́r kitú kfə́ fó fo. Wù yòʼ kfə̀n yú fó suúy jii, «Shibvə̀m she m ghvə́m shìn shi dzə̀ kifá kisáŋ.»

Nsùyrì Nyùy 119:100

M kiiy vinyo, shaa ŋgày sé wìr, bìʼ fo m lem ntò sé se yeʼéy.

Nsùyrì Nyùy 119:97

M koŋ Nsər yè feyì. M rə́si, m kwàʼtì shó kishiíy kifur.

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Ŋgàn 15:15

Dzəʼə̀m aghéʼnceyí tàv é ŋàŋ. Yii bèy, a shilív shee nyaáŋ shí kù dzə́ kfə́, shéʼri shèʼrín.