Ŋgàn 15:13 - ŊWÀʼ NYÙY

¹³ Wìr lóo yu vijuŋ, wù wàa ŋwàŋkìr. Shilív shí ndzə́ʼə́, wù wàa dzə e nsòv.

Ŋgàn 15:13 Referans Kwoze

Ŋgàn 17:22

Shilív shee nyaáŋ shí yii, a wìr dzə́ kitávín, a she ndzəʼə́n shí fó a dzə̀ kinjuùmé.

Joon 14:1

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Ŋgàn 18:14

Shilív she wìr wayin ji wun yíi lùŋ shi fəər wun fo yàsí, a she weeyìn shí wáy ŋgaà yàsí wáyín é sày.

Ŋgàn 12:25

Kwaʼtìi kù dzə̀ wùn à kinjuùmé kí. Wìr fó ntir ye juŋ, wúné bvə̀rkìr wír.

Ŋgàn 15:15

Dzəʼə̀m aghéʼnceyí tàv é ŋàŋ. Yii bèy, a shilív shee nyaáŋ shí kù dzə́ kfə́, shéʼri shèʼrín.

2 Korin 7:10

Wìr yii lóo sòv kitú ji wun jày e Nyùy, Nyùy nèn sə̀ wun, wù bìnèr shilív sə́, e dù, e nə̀ə́ e dzə̀ʼə̀m yee là may. A bó yòʼ dzə̀ wù kfə̀n a rə̀m ntéŋ. Wù lóo yu a dzə̀ nyár mo á yii lóo dìn jay wìr, wù wàa yu a dzə̀ nyár, kí nèn dànèr wun, e wày wáyín é kpu yee là may.

2 Korin 2:7

A dzə̀ lèn, vèn làysìn kinyo kee shooy fo wù wáa màysì, a rə̀m ntéŋ, é shilív sə́ shí wáa weèy.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Nehemia 2:2

Fòn dzə́r e mò ji m sà kiʼ ka e rəə́yín ben, a bó m yòʼ joyì a? Kinyo ki kù‑úù wáa dzə a ke kí bír a mo. M nèn a fàn feyì,

Ŋgàn 14:30

Shilív shee nyaáŋ shí yii faŋèr wír, a kinsiimè ki reŋèr wír réŋerin.