Ŋgàn 15:12 - ŊWÀʼ NYÙY

¹² Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Ŋgàn 15:12 Referans Kwoze

Amos 5:10

Wír veé Isray, vèn ban wír ve á tínen kinyo e nsànloŋ, nyaysì wír ve á suuy suuyrú.

Ŋwàʼ Jov 21:14

«Á lo, á wàa te lám e Nyùy jii, ‹Kíŋrí fo věr ghaŋ, bó vèr yòʼ kér shií fóo kiíy mo à taʼ ji vèr wáa yiì.›

2 Timoti 4:3

Kú a kiíy ji ghán sí waà sí gheenè, se wíri yòʼ wíy a kòŋ fó a yuurí kinyo ke dzəə̀n ke ru kí. Á kù wíy a kòŋ a dzə̀ kinyo ke vituʼùr vév ví yur ji á wáa yu, e nèn a baʼtí vév vee aŋgàa yeʼéy, aá wáa fìʼtì a dzə̀ kinyo ke melív mev mè tíy sho.

Joon 7:7

Bó yòʼ dzə̀ wíri wàa bàn ven. A dzə̀ á wàa bàn a dzə̀ mo, bìʼ fo m tóʼti vinyo vév ve bi ví.

Ŋgàn 15:10

Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

2 Wòŋ 18:7

Fòn woó Isray bìnèr jii, «Wùmòʼ dzə̀ wo dzə̀ á tàr fó fo, a dzə̀ Mikayia woo wan Imla. Yii bèy, m ban wun, bìʼ fo wù yòʼ yii yoŋ kinyo ke juŋ ki kùm mo. Kù yii dzə́ ke bi kí ghán sidzə̀m.» Fòn Jehoshafat suúy ji lá fòn yòʼ a yòŋ a bèy.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.