Ŋgàn 15:11 - ŊWÀʼ NYÙY

¹¹ Mo Nyùy yén vinyo vee aŋkfəə́ wòŋ vidzə̀m, a dzə̀ wù kfə̀n mèŋ kímóʼ kí ke kí dzəə̀n e wìr shiliv á?

Ŋgàn 15:11 Referans Kwoze

Nsùyrì Nyùy 44:21

wù wàa meŋ à? Bó wù yòʼ kì kilìtì kee wìr shiliv a?

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Nsùyrì Nyùy 139:8

A m fə̀m kòʼ é yuv, bo à dzə̀ fó. M wáa neŋ aàŋkfəə́ wòŋ, bo à kù dzə̀ fó.

Ŋwàʼ Jov 26:6

Wóŋ aŋkfəə kù dzə̀ é ŋgèŋgèr e Nyùy si, a kirə́ʼ ké ŋgeʼ ki kù dzə̀ tèéter e wun si.

2 Wòŋ 6:30

à kù yù é yuv fo à dzə́, e làysìn jay wov. Kù jòʼ wò cáʼ vèn mòʼón wo à kiìn shilív shé wìr msòŋ e dzə̀m. Kú a làʼ wir mòʼón mòʼón mo vinyo ve wù yii vi dzəə̀n,

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Ŋgàn 27:20

Bvə́me yòʼ yii kúr woŋ aŋkfə, a bó nsay yòʼ yii rúné, a bó yòʼ dzə̀ wir msòŋ keèrí vifá, ví ghèén wun.

Nsùyrì Nyùy 7:9

Ku ndzəə̀r liì kisaŋ wìr ve á méŋ wò, e tòm wír ve á yúnin wòo, aá tuúy. M mbaa wò woo Nyùy wo à yii yii kinyo ké réŋ, sayrì vifií vé wìr, à shilív shí.

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Ŋgaà Yen 9:11

Fòn wo wù kér áwune dzə̀ nshìylav ye yì sáʼ biíntùr vəy, a yír rəə́ dzə̀ é Lǎm Hibru ji Abadon, e kfə̀n a dzə e Lǎm Grik ji Apoliyon, a nsàv dzə̀ ji ŋgaà laàr.

Ŋgàn 15:10

Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

Ŋgàn 17:3

Á yii sheŋrì *kisha ke mbàm ke fəvír kí, à ke baar kí e və́yí, a kù dzə̀ mo Nyùy Tàr tar melív me wíri.