Ŋgàn 15:10 - ŊWÀʼ NYÙY

¹⁰ Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

Ŋgàn 15:10 Referans Kwoze

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Joon 3:20

A kí dzə̀ bey, bìʼ fo wìr wo wù yii vinyo ve bi ví, ban rán yee shooy, léʼ leʼén fo á wáa yen vinyo ve wù yii.

Ŋgàn 13:1

Wan wo wù kér vifií, kù yii yúnin ntir tàr wov, a wan wo wù ŋaʼà, ŋwáy ntir ŋwáyín.

Ŋgàn 10:17

Wìr yuúri ntir, wù bònen shìíy, ŋwáyí, wù bìn é dzəə ye bi.

Joon 7:7

Bó yòʼ dzə̀ wíri wàa bàn ven. A dzə̀ á wàa bàn a dzə̀ mo, bìʼ fo m tóʼti vinyo vév ve bi ví.

Ŋgàn 5:12

a ghay wún é kinyò ke kí‑iì yiìn, é bo à tén ntir, e tèn à naarìi shó.

Ŋgàn 1:30

Ntir yem yòʼ dzə̀ aáwuné kitu fə̀m e mòʼón, á ŋwáy vinyo ve m naarì áwune shó ŋwayín.

1 Afòn 22:8

Fòn woó Isray bìnèr jii, «Wùmòʼ dzə̀ wo dzə̀ á tàr fó fo, a dzə̀ Mikayia woo wan Imla. Yii bèy, m ban wun bìʼ fo wù yòʼ yii yoŋ kinyo ke juŋ ki kùm mo. Kù yii dzə́ ke bi kí ghán sidzə̀m.» Fòn Jehoshafat suúy ji lá fòn yòʼ a yòŋ a bèy.

1 Afòn 21:20

Fòn Ahav yiì tàrnín wùn Elija, e dzə̀r shó jii, «Ŋgaà wom vibàn, wòsò kfə̀n tàrnín à?» Elija biímé, e sùúy jii, «M wíy yen fon bèn a bìʼ vinyo ve wù yii, a ví bír Nyùy Tàr, nèn fiinè a kitú kfə́.

1 Afòn 18:17

Fòn Ahav yén Elija, e dzə̀r e wun jii, «Və̀y dzə̀ wò à, wò wo à fó Isray ŋgeʼ a?»

Ŋgàn 23:35

À yii lò, a làmrì jii, «Vé‑ee ndzə́n mo, a m yú ji m lèm a? Vé‑ee dzəv mo, a m yú à? M yíi lò e yuv é ghàn ka, e bó a tàʼ memoʼ mè?»

Ŋgàn 1:25

a vèn kù ŋwáy ntir sém ŋwayín, tén naarì ye m naarì ven,

Ŋgàn 15:9

Nyùy Tàr yii nyaysì liì wìr ve á méŋ wun, koŋ wír ve á yii kinyo kee tìítiy.

Ŋgàn 15:11

Mo Nyùy yén vinyo vee aŋkfəə́ wòŋ vidzə̀m, a dzə̀ wù kfə̀n mèŋ kímóʼ kí ke kí dzəə̀n e wìr shiliv á?

Ŋwàʼ Jov 34:27

bìʼ fo vé‑eè bìnèn ndzə̀m e wun, e tèn fó a ghan e wun mbòv.

Nsùyrì Nyùy 50:17

Vèn ban fo á sər ven fo věn liì kisaŋ, tén fóo yiì kinyo ke m suuyin.

Jeremia 2:17

Yeè mbàʼ, bó yòʼ wìy wò e kinyo kìn ki e wò kitu à? Kí dzə̀ bìʼ méŋ ye wò‑oò meŋen Nyùy Tàr. Nyùy Tàr woo Nyùy wò, wo wù‑uù tsəə́ne wò.

Esiker 33:9

Á bèy, aà kàntì wir liì kisaŋ, la wù yòʼ bìn ndzə̀m e wun dzəə sé kisaŋ si, bo wù kù‑úù kpú bìʼ vinyo və́ ve bi ví, yii bèy, áà boy fó njò, e bavtí dzəʼə̀m yé.