Ŋgàn 15:1 - ŊWÀʼ NYÙY

¹ Wìr binèr kinyo ji weè, kí wàa ker kimán, binèr ji shwǎŋ, kí ŋàʼár dòʼshwiíy.

Ŋgàn 15:1 Referans Kwoze

Ŋgàn 25:15

Jwi lo ji weè, yì bùr kighvə́r, wìr lo ji weè, wù kùvsín kwaʼtì taà saʼ.

Ŋgàn 10:12

Vibàn ví lo, ví yìm kitáŋnìn, kikoŋnìn ki màʼ kimán.

Ŋgàn 15:18

Wìr lóo lùm shilív, wù màʼ melaà, lóo kfəmén e wun dòʼshwiíy, wù sə̀r kitáŋnìn.

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 28:25

Bòŋáyimo kù yii taʼ kfə́ a dzə̀ melaà, a vikuʼùy ví kù yii nəə wír wo wù wayin shilív e Nyùy Tǎr wùn nəə́n.

2 Samuel 19:43

Wír veé Israyi bìnèr e veé Judàa jii, «Vèr kér ghay e Davir mvə̀m vifòn kilíŋ e ghvə̀m. Kér ver Fòn Davir feyì feyì. Vèn kì kày ver ji ka? Lá vèn yòʼ làysìn ji dzə̀ á ver wír mbìyi vée shù ji á siir á fon e bàm.» Á wáa taŋnín bèy, wír veé Judàa wáa nyarkír aáwuné kisuŋnìn, a shaà veé Isray.

1 Afòn 12:7

Áwune bìnèr jii, «A fòn dìn koŋ e wír vìne lán, e shèʼér áwune e binèr ye juŋe, bo áwune kù yíi a neŋ a e fòn sar, e wìy dù mày.»

2 Wòŋ 10:7

Áwune bìnèr jii, «A fòn dìn koŋ e wír vìne lán, e shèʼér áwune e binèr ye juŋe, bo áwune kù yíi a neŋ a e fòn sar, e wìy dù, e mày.»

Ŋwàʼ Jov 41:3

A dzə̀ yì wàa lon wò ji à ku shàm wun, e màʼtì é wun wáa dù à? A dzə̀ yì wàa suŋnín e wò e jì mboòrì à?

Ŋgàn 29:8

Aŋgàa jàʼa lo, á wàa màʼ melaà e mvə̀mlaʼ, aàfií kù rəər kév dòʼshwiíy rə́ərin.

Lim Aŋgàa Ntum 19:41

Wù suúy bey, e nèn siìr màŋgòŋ və̀y e bàm.