Ŋgàn 14:9 - ŊWÀʼ NYÙY

⁹ Viyúŋ ví buʼtì vinyo, e làa yòʼ a ci, yii bèy, wír ve á yii réŋé diy kév a dzə̀ kimán.

Ŋgàn 14:9 Referans Kwoze

Ŋgàn 10:23

Yú kiyúŋ vijuŋ e kinyò ke bi kí. Wìr fiirì, wù wàa yu vijuŋ ve njiìn wo juŋ.

Ŋgàn 30:20

Ké wiíy viŋkar ki ghàʼ sá feyì. Wù du vishóŋ, wù nèn sòr shuu, kù a suúy jii, «M yoʼ bùʼ kinyo.»

Ŋgàn 13:15

Wìr lóo yiì vinyo ve ví kér vifií, wíri wàa ghvəm wun, wìr wáa tùʼtìn kfə́ túʼtin, bo vinyo və́ ví kù yíi a bvəərí bvəərín.

Ŋwàʼ Jud 1:18

Vé‑eè ló a toʼtí e vèn jii, wíy lòo dzə e ghan sé bàm sí, é wír ámóʼó fəə́, a kèŋ ven kéŋen. A dzə̀ wír ve á méŋ Nyùy, yii a dzə̀ vinyo ve mensə́ mev mè tíy sho vidzə̀m.

Ŋgàn 12:2

Nyùy Tàr bínsi wír, a dzə̀ ve á yú wun, maʼ ŋgeʼlàʼ e wír ve á bá antaŋ ve bií kitu.

Ŋgàn 8:35

Wìr wo wù taʼ mo, yéné, ŋgaàŋ yíi a ker dzəʼə̀m ye dáa, é Nyùy Tàr wáa leéy wun, a kòŋ.

Ŋgàn 3:4

Aà lòo dzə, a yiì bèy, bo Nyùy yíi a kòŋ wò, é wíri wáa kòŋ sa.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋwàʼ Jov 15:16

bo ké wìr msòŋ kí dzə̀ kfə́ é le? Wír, a wù yii joonè, kuvrì kiŋkùvrì, nó vinyo ve bi ví é njà mendzə̀v.

Cù 5:7

Yii bèy, wáa dzə, a bó yòʼ dzə̀ wù kòóy njiì, bo wù wiy e vibìŋ ví vibaà, kìn e vibuù vi, e fíʼ làʼ njò rə bìʼ jay wo wù yiìn. Kímóʼ kí ji ké cù yee bìʼ lǒn jay, kímóʼ kí ji ké cù yee tòn nyám e dzə̀m.

Ŋgàn 3:34

Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.

Ŋgàn 11:20

Nyùy Tàr yii ban ayìíkum, shéʼri wír ve á ghán e wun mbòv.