Ŋgàn 14:8 - ŊWÀʼ NYÙY

⁸ Wìr fiirì, wù wàa kiíy jeéyjeéy fó vinyò, kiyúŋ kí lóo tav kfə́ ji wun kì, kí jày dzə́ə.

Ŋgàn 14:8 Referans Kwoze

Efesor 5:17

Kí nén a dzə jii, lá vèn yòʼ a yiì kinyo a là vifií. Vèn wáy a dzə̀ vifií ví ji vèn kiíy á kinyo ke Nyùy taʼ ji vèn wáa yiì.

2 Timoti 3:13

é wír ve bi ve á ghán kév, bóʼti wíri bóʼtíné kú a màysì, a tavkír tavkín, a boʼtí wíri, e kfə̀n a boʼtí vév vee vitú.

Jeem 3:13

Wìr fo vèn wo wù yén ji wun kér vifií ve ru ví, a wun kì vinyo, ŋgaàŋ dzə̀ la? Wù din kitú kfə́ fó liì wo juŋ wo wù yii, a wù yii, e làa yòʼ a saà wún, mo vifií ve ru ví yii dzə́.

Efesor 4:22

Vèn maʼti ri liì wo vèn‑eè kér fo mbìy. Wù‑uù bìvír ven bívírín, bìʼ fo vèn‑eè wáy vifií a dzə̀ é vinyò ve mensə́ men mè lim, dom ven, a vèn yii.

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Ŋgàn 8:20

M yii yii vinyo vém tìítiy là nsem, tínen ve tinén ví là kiloʼ.

Ŋgàn 2:9

Aà jùmrì vifií ve ví lo fo Nyùy, bo à yíi kiíy mó a tiír kiwuú ké, a fìʼ ghán sidzə̀m. À yíi a kiíy vinyo ve dzəə̀n ve ru ví. À yíi a kiíy mó a tinén vinyo e nsànloŋ, là kiloʼ.

Nsùyrì Nyùy 119:73

Wò‑oò nàŋsín, e bòm mo e wó yée, ku mvə̀ʼ vifií vém ví, é m wáa yeʼéy nsər sé.

Nsùyrì Nyùy 119:5

M diy feyì ji m wáa ghan a dzə̀ e wò mbòv, a yunín sáʼ yé ghán sidzə̀m.

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Jeremia 13:20

Jerusalem, vèn nan síi, e lèéy, e yèn. Aŋgaà vén vibàné sí wiy fo wòŋ kùyi. Wír ve vé‑eè lèmèn e vèné bèé? Wír, a vèn‑eè kóʼor wún shó.

Nsùyrì Nyùy 143:8

Kú a dìn mo koŋ yé kijàvndzə kidzə̀m, bìʼ fo m tiir vifií a dzə̀ e wò wùn. Dùŋrì mo dzə́ə mo dzə̀ m wàa ghan. Dùŋrìi, bìʼ fo m kù bunrì a dzə̀ wò.

1 Korin 3:19

A m suuy bèn, bìʼ fo vinyo ve wír veé ndzə fène yén ji vifií ví dzəə̀n ve Nyùy yén kfə́ ji kiyúŋsì. A dzə̀ kíwun ke vé‑eè saŋen é Ŋwàʼ Nyùy jii, «Nyùy koó afií a dzə̀ é kitam ke koʼorin áwune.»

Ŋgàn 15:21

Yú mbuù vifiì vijuŋ e wun kiyuŋsì, a fiì yii kfə́ kinyo tìítiy.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Ŋgaà Tàrvìnyò 2:13

M káʼáy, e yèn jii, vifií ví bòŋ, e shaà kiyúŋsì, réŋréŋ mo ráné bòŋèn, e shaà ndzə ye sənér.

Ŋgaà Tàrvìnyò 2:16

Bó á yòʼ yii kuúme fií, kìn kiyúŋ du, joʼsì, réŋréŋ mo á yòʼ yii kuúme sa kiyúŋ. Bìʼ fo, mo ghán si du, dzə̀ mo á laysìn áwune adzə̀m. Kpúu kù yíi lì fií réŋréŋ mo yí li kiyúŋ.