Ŋgàn 14:6 - ŊWÀʼ NYÙY

⁶ Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Ŋgàn 14:6 Referans Kwoze

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

1 Korin 8:2

A wìr lò, a dìn a dzə̀ vifií ji kù kì wun mo vinyo vidzə̀m vi dzəə̀n, bo bó wù yóʼ ne kìíy mo kì dzə̀ wù kìíy gheéy.

Ŋgàn 8:9

Sí kù dzə̀ tìítiy fo fiì sidzə̀m, a dzə̀ se ru sí fo wìr wo wù koŋ e kiíy.

Jeremia 8:9

Á wíy dìn kisáŋ ke afiì, aá woómé, á lóo jìʼkìr, é dzə̀rkìtu wáa koo áwune. Mo áwune meŋen ne jí se Nyùy Tàr, bo á kér vifií a dzə̀ viné ví lèn?

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Ŋgàn 18:2

Kiyúŋ kí yòʼ kér shií ji wun kiíy jeéyjeéy fó kinyò, kí kù yáŋri, suuy kinyo a dzə̀ ke kí gheen wun.

Ŋgàn 17:24

Wìr kiiy jeéyjeéy fó vinyò, wù wàa tiír vifií və́ a dzə̀ é kiíy, kiyúŋ kí wàa yaŋrí kfə́ kifá kidzə̀m yáŋrín.

Nsùyrì Nyùy 119:18

Mvə̀ʼ vifií vém ví, é m fiʼ kìíy viŋgaʼnìn ve vinyò ve ví fəə́ fo wò Ŋwàʼ Nsər.

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

Ŋgàn 14:5

Wìr jwáʼ tiim vinjen, wù sùúy suuyrú. Wìr kisaŋ tiim vinjen, wù bòʼtí kimboʼtì.

Ŋgàn 14:7

Á baàmè viyúŋ ví, bó yòʼ dzə̀ ví yèʼéy wò kinyo.

Ŋgàn 24:7

Vifií ví tàv é ŋàŋ fo kiyúŋ kí kiíy, a bó yòʼ dzə̀ kiyúŋ kí mvə̀ʼ shuu fo á yii tínen nsaʼ.

Ŋgàn 8:8

Jí se sí fəə́ fo mǒ shuù si dzə̀ là nsem sidzə̀m, sí yòʼ litì kinyo fo bàm, a bó yòʼ dzə̀ sí bàʼ wír e koŋ.

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

Ŋgàn 17:16

Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?