Ŋgàn 14:2 - ŊWÀʼ NYÙY

² Wìr lóo dzə wir jwáʼ, bo dzə̀ wír wo wù ghvə́m Nyùy. Wìr lóo ker kiŋaamè ke liì, bo dzə̀ wír wo wù ŋwáy Nyùy.

Ŋgàn 14:2 Referans Kwoze

Lim Aŋgàa Ntum 10:35

A wìr ghvə́m Nyùy, yii réŋ, a ŋgaàŋ fə̀m dzə̀ wír woó kitum kiné kí, bo wù ghèén fo Nyùy.

Ŋgàn 28:6

Bòŋ ŋgaà kitàn wo wù tíy e wun suuyrú, e shaà ŋgaà mbàm woo ŋgaà kiŋkùvrì.

Nsùyrì Nyùy 112:1

Á wáa burí Nyùy Tàr. Bòŋ ké wìr wo wù ghvə́m Nyùy Tàr, tiir vifií é ŋàŋ a dzə̀ e wun nsər.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

Lim Aŋgàa Ntum 9:31

Wáa dzə e ghan sin, a vintatì ve wìr Jesus vi sí yoyrì fo ŋgeʼ e wòŋ woo Juda, wùn à woo Galeli, à woo Samaria. Vintatì vi nèn màysì, e tùúy, a ghvəm Nyùy, a yu a dzə̀ fó fo, Kiyoy ke Ranén kí wáa lùmèr melív me wíri, kintatì ki wáa kuy.

Ŋgaà Tàrvìnyò 12:13

Kimaysì kí nén a dzə jii, wìr wáa ghvəm Nyùy, a yunín nsər sə́, bìʼ fo kù dzə̀ kinyo kìn ke wìr kér fó a yiì.

Nsùyrì Nyùy 25:21

M leey a dzə̀ wò Nyùy Tàr, ku kìŋsìn mo. Kìŋsìn mo wo m tíy a dzə̀ é suuyrú, kwaʼtì vinyo, a dzə̀ vee tìítiy.

Lim Aŋgàa Ntum 10:22

Á bìnèr jii, «Tùm Konelur woo mfòóme rə̀r woó Rom ver. Wù dzə̀ wír wo juŋ, ghvə́m Nyùy, a wír veé Judàa búri wun adzə̀m. A nshìylav Nyùy sìíy, e wìy, e sùúy sho jii, wù jaŋ wò e wùn lav, e yù á kinyo ke à yíi suúy e wun.»

Ŋwàʼ Luk 16:14

Jesus wáa fèr bèy, a wír veé mbìv *Farasi ámóʼó yú. Á nèn a ndzəə wun, bìʼ fo áwune yii koŋ mbàm e ŋàŋ.

Ŋwàʼ Luk 10:16

Jesus lòo màysì, e sùúy e vé ntum vìyi jii, «Wìr wo wù yuúri kinyo kén, ŋgaàŋ yuúri a dzə̀ kém. Wìr wáa káy ven, bo ŋgaàŋ káy a dzə̀ mo. A wìr káy mo, bo wù káy a dzə̀ ŋgaà wo wù tumen mo.»

Ŋgàn 19:1

Bòŋ a tàn, a ker liì wo juŋ, e shaà ké a boʼtí kimboʼtì, a yiì kiyúŋ.

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Ŋgàn 11:12

Wìr wo wù káy wíri buu a dzə̀ vifií, a wìr wo wù kim kiliímé kfə́ dzə̀ fií.

Ŋgàn 2:15

Á ghán ghán a dzə̀ yé kisaŋe, kér liì a dzə̀ wo bi.

Ŋwàʼ Jov 1:1

Wìr wùmòʼ‑oò dzə̀, aá yoŋ ji Jov, a wù‑uù dzə́ e wòŋ wo á yoŋ ji Us. Wù‑uù dzə̀ là shilóm, tíy a dzə̀ é suuyrú, ghvə́m Nyùy, bin ndzə̀m é kinyò ke bi kí.

1 Afòn 3:6

Solomon bìnèr jii, «Wò‑oò din koŋ ye wiyí e tàr wor Davir woo ŋgaà lìm wò ghán sidzə̀m, bìʼ fo wù‑uù dzə́, ghán e wò mbòv shilív shimòʼón, yúnin wò, yii mo à taʼà. Lèn, aà kù dzəə́ du fo mbìy, din koŋ yé yee shooy e wun, mo à foon wun wán wo wù yí ntaʼ və, a saʼ wíri.

Ŋwàʼ Jov 12:4

«M kfə̀n ne ji kifá ke nshéʼmé ki fo ŋkar sém sí, mo wo mò‑oò mbaa Nyùy e kinyò, a wù yú tóŋ yém. M kfə̀n ne lèn ji kifá ke á wáa jàʼ, mo, a m tíy e suuyrú, dzə́ là shilóm.

2 Samuel 12:9

Yií ka, bo à ŋwáy jí yem, e bùʼ kfə́ə kinyò ke kí kóʼoy mo ben? À yùyrí Uria woo wír woó Hit, e lì wíiy və, a ker. Wò‑oò yiì, wír veé Ammone gwár wun e shùu rər.

2 Afòn 17:34

E wìy shem lán, áwune kù dzəə́ tíy aáwuné liì wo mvə. Áwune yòʼ ghvə́m Nyùy Tàr yée a yu sáʼ rə́, a yunín vinyo ve wù‑uù tinen. Áwune yòʼ jumrì nsər se Nyùy Tàr wùn à ntir sə́ se wù‑uù foon e rám Jakovi, Jakov wo Nyùy Tàr‑iì shuùn yír rə́ yímóʼó ji Isray.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.