Ŋgàn 14:18 - ŊWÀʼ NYÙY

¹⁸ Kitsə́ʼ ké anjìʼ ki dzə̀ kiyúŋsì kév, a vilaámé vé fiì ví kù dzə̀ kiíy.

Ŋgàn 14:18 Referans Kwoze

1 Pita 1:18

Vèn kú a kuumé ji Nyùy‑iì yiì á kinyo ke ghaʼán kí, e bóo fəə́r ven fó mvə̀m liì kisaŋ wo atàr véné‑eè dànèn ven shó. Wù‑uù tìn ven fó lǒn liì woo shooy, a bó wù yòʼ‑oò tìn a dzə̀ e kifá kee moo mbàm se dzə̀ sí mày, a fə̀m dzə̀ *kisha ke mbàm ke baar kí, kìn ke fəvír kí.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

2 Timoti 4:8

A m kì jii, Taàtá wòsən Jesus wo wù wíy a tinén kinyo ke wìr réŋ mo kí dzəə̀n lèm ne a vinə́ŋsí vém, a wù wíy kfən e kishiíy fó, é wù fó, é m sov ji fəə yém nsiì. A bó wù yòʼ wíy fo a dzə̀ e mò cáʼcáʼ gheéy. Wù wíy fo e wír ve vé‑eè koŋ wune adzə̀m, shiy ji wù wiy.

Daniel 12:3

Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

Jeremia 44:17

Vèr kù wíy a yiì vinyo vér vidzə̀m, a dzə̀ mo vèr‑iì kàʼàn ne. Vèr wíy a tòn kiláy, a cù Yaà woó Yuv shó, e kfə̀n a cù wun e meluʼ mè. Vèr kù wíy a yiì réŋréŋ mo atàr vér wùn aàfone, à vé saʼa‑aà rə́si yii e ŋkà se laʼ seé Juda, kfə̀n yii e dzəə seé Jerusalem. Vèr‑iì yii bèy, kér vifá ve yi nyanyày, kér dzəʼə̀m ye juŋe, a bó ŋgeʼ yòʼ‑oò dzə́.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Ŋgàn 3:35

Á kù wíy a ghvəm wír wo wù kér vifií ve ví loòn fo Nyùy, a bó kiyúŋ kí yòʼ wíy a ker kifá, e shaà nshoórmé.

Ŋgàn 14:17

Ŋgaà dòʼshwiíy yòʼ yii sə́ʼəm e kinyò, ké wìr wo wù bá ntaŋ wo bi, kí dzə̀ aá ban bànèn.

Ŋgàn 14:19

Aŋgàa yiì ye bií wíy wìy, e tsəm ndzəə́ e vé yiì ye juŋé si, wír ve á méŋ Nyùyi kù wíy a gvəʼə́m e wír ve á yú Nyùyí shweesí, a màʼ wó.