Ŋgàn 14:13 - ŊWÀʼ NYÙY

¹³ Wìr lo, wù kù shèʼ é mvə̀m mendzə̀n, shéʼ, maysì, kù bèr mendzən.

Ŋgàn 14:13 Referans Kwoze

Ŋgaà Tàrvìnyò 2:2

M yén ji a wìr jum a dzə̀ kishéʼrì, bo kee shooy ki dzə̀ kiyúŋsì. A dzə̀ ji wìr kú a yi a dzə̀ kitú, kí fə̀ə́r ka?

Jeem 4:9

Vèn wáa woomé fo věn vinyò ve bi ví, a sòv kitú, a dìy. Vèn maʼti shéʼe, a toŋ toŋén. Vèn bér kishéʼrì ki, a rə̀m a dzə̀ vitú vén.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Ŋgaà Tàrvìnyò 11:9

Wánlè nsùm, yuúrí. Á yu vijuŋ vé vi lèn wo à dzəə́ yii vinsùm. Mo à yii vinsùm, kú a sàvnìn kishiíy kidzə̀m. Á yiì kinyo ke à kwàʼtìn kí, a yiì ke shilív shé shi báŋri ki. Yii bèy, kú a kiíy ji Nyùy kù wíy tiír wò e kibàʼ ke nsaʼ fo vinyò vidzə̀m ve à yiìn.

Ŋgàn 5:4

Fo bàm, kinyo ke à kì duùn kí kfə̀n ji lúylúy, a njim moo shwàʼ rə̀r wo á baàyìn mbìv sidzə̀m.

Ŋgaà Tàrvìnyò 2:1

M kù kér e mǒ kwàʼtì jii, «Ké lèn ki m kù‑úù mum á vijuŋ, e yèn ó ji sà bòŋ ka shó a?» Rúrú, m múm, e yèn ji vijuŋ vi kù dzə̀ sá bèn, a dzə̀ kifá kisáŋ.