Ŋgàn 14:10 - ŊWÀʼ NYÙY

¹⁰ Kù kiiy wír mo nyár rəə́ koó, à mo vijuŋ və́ ví koó, a bó yòʼ dzə̀ tókíshwáŋ, wù kìíy.

Ŋgàn 14:10 Referans Kwoze

Filipi 4:7

Vèn lóo yiì bèy, é Nyùy nèn a yiì, é melív men mè wáa dzə nyaáŋ, é wùn à vifií vén ví ku nèn a tiy a dzə̀ e Jesus Kristu wùn. A bó yòʼ dzə̀ wìr kìíy móo fìʼ nyaáŋ wo Nyùy fó və̀n gheéy.

Ŋgàn 18:14

Shilív she wìr wayin ji wun yíi lùŋ shi fəər wun fo yàsí, a she weeyìn shí wáy ŋgaà yàsí wáyín é sày.

Ŋgàn 15:13

Wìr lóo yu vijuŋ, wù wàa ŋwàŋkìr. Shilív shí ndzə́ʼə́, wù wàa dzə e nsòv.

Ŋwàʼ Jov 10:1

«Vijuŋ vi yòʼ dzə̀ e mǒ dzə̀ʼə̀m. M yíi kwèr kinyo kidzə̀m ke m diyì, e fìʼtì kinyo kidzə̀m ke shilív shém shí ndzə́ʼ sho.

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

1 Pita 1:8

Lèn və̀n, mo bó vèn yóʼ ne fə̀m yèn Kristu, vèn sí koŋ wun. Vèn kfə́n a way sa shilív é wùn wó, a bó á yòʼ yéné. Vèn nén a dzə, a ker kishéʼrì ke kuʼùn kí, a bó móo fìʼ yòʼ dzə̀,

Joon 14:18

«Bó m yòʼ wíy màʼtì ven ji vèn siíy, e jàáy jaayín. M wíy kfən, a dzə vèsən.

Ŋwàʼ Jov 7:11

«Á bèy, bó yòʼ dzə̀ m sə̀tí shuu wóm. Mo m dzəə̀n é mvə̀m nyar, m kù yíi a làmrì. Mo shilív shí ndzə́ʼ mo, é m kú a suúy.

Joon 12:27

Jesus kfə́n a suúy jii, «Ghán sin si dzə̀ lèn, a shilív shí sí búʼ mo búʼún. Mo shí búʼ bèn, a dzə̀ m wàa lon fo Tàr wor ji wù ku tèér ŋgeʼ ye m sí nəə sho rə̀n a? Bó yòʼ dzə̀ m wàa lon, bìʼ fo mò‑oò wìyìn a dzə̀ bìʼ kee shoon.»

Esiker 3:14

Kiyoy ke Nyùy ki nèn shùr mo, a dù sho. Vitaáví vé Nyùy Tàr ví nəə́ e mǒ wùn, a rəʼə́y mo, a m du, yú nyár ye tavíné e mǒ shiliv, Kiyoy ke Nyùy ki nèn kfə̀n nə̀ə́ e mǒ wùn, a dànèr mo.

Nsùyrì Nyùy 25:14

Nyùy Tàr koó viŋkar wùn à wír ve á ghvə́m wune, yii, aá kiiy mensaŋ mvə.

Ŋwàʼ Jov 9:18

Bó Nyùy yoʼ biìmé feyì ji m mey shintíy, wù kù dzəsì ŋgeʼ sém, a sí dzər du duùn fó mbìy.

2 Afòn 4:27

Wù wìy, e yèn Elisha e Gwan Karmel, e baàmé wúu rə́. Gehasi wìy, a tsə̀ʼ wun fo fo. Yii bèy, Elisha suúy shó jii, «Màʼtì wun fo bèy, bìʼ fo wù dzəə̀n é mvə̀m nyar ye tavíné. A Nyùy Tàr kì lìtì ne, e làa yòʼ suúy kinyo kfə́ e mò.»

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Kèʼlo 42:21

a kfə̀ynìn áwune áwune jii, «Vèsən sí yén ŋgeʼ rə̀n bèn, bìʼ kinyo ke vèsən‑eè yiìn e fər wòsən. Vèsən‑eè lo yèn mo wù‑uù diyì, tóŋé, lón vèsən, la á yòʼ a ghay. Á kinyo ke kí yiìn, bo vèsən wáa dzə e ŋgeʼ fèn lèn.»

Ŋwàʼ Jov 21:25

Wùmòʼ woo wír lo, wù kpù, a yúy nyár ye yí ton shilív sə́, a bó wù yòʼ‑oò yiì ne yù vijuŋ ve kifa kímóʼ kí gheéy.

1 Samuel 1:15

Hanna bìnèr jii, «Àáy taàtá wòm, m dzə̀ wiíy, a m dzə̀ é mvə̀m nyar. M yoʼ nò meluʼ, fə̀m à mené mè. M kì bunrì, neer ŋgeʼ sém e Nyùy Tǎr si.