Ŋgàn 13:9 - ŊWÀʼ NYÙY

⁹ Wìr yúnin Nyùy, wù wàa dzə moo kikaʼày ke kí bán kijuujùŋ, a wo wù méŋ Nyùy dzə̀ kfə́ moo kikaʼày ke kí sí ndzə́menè.

Ŋgàn 13:9 Referans Kwoze

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Ŋgàn 24:20

Kibvəə́shí ké wìr wo bi kí yòʼ dzə̀, a kikaʼày ké wìr wo wù méŋ Nyùy ki kù wíy ndzəmén.

Ŋgàn 20:20

A wìr tìn kàʼ tàr wov, kìn wo yè wov, bo wù kù‑úù kpú kpuún, e dù e kimbàŋnsay.

Nsùyrì Nyùy 112:4

Fə̀m lóo dzə e ndzə ye sənér, wír vee réŋé kù a yen rán. Yí kù kaʼày wir dzə̀m wo wù koŋ wíri, shám áwune, yii vinyo là kiloʼ.

Nsùyrì Nyùy 97:11

Wír vəə́ wáa sheʼrí wun mo á shéʼri ndzə ye yì ráné. Wír ve melív mev mè dzəə̀n tìítiyi wáa yu vijuŋ adzə̀m.

Matio 25:8

Vee viyúŋ víyi nèn sùúy e ve yì‑iì dzəə̀n afií jii, ‹Lam sér sí sí ndzə́mkir ndzə̀mkín, vèn ku ŋèʼ méen mee meŋgvə́r, é vèr wáy shó.›

1 Afòn 11:36

M wíy fo rám ye mòʼóne e wan və, é Davir woo ŋgaà wom lìm fíʼ a ker kikaʼày ke kí wáa ban e mǒ si e Jerusalem wo dzəə̀n ŋkàlaʼ ye m shoʼon ji yéem.

Ŋwàʼ Jov 29:3

Dzə̀ ghán se wù‑uù yii, a kikaʼày kfə́ kí bán e mǒ kitu, kaʼày mo, a m ghán, shaa fo mesənér.

Ŋwàʼ Jov 21:17

«Yii bèy, wír ve á méŋ Nyùyi kù yòʼ lo, á sàsìn, e gbù, e kpù á? Vishí vi kù yòʼ lo, ví wàa bir áwune á? Nyùy kù yòʼ lo, wù shwìíy kilòŋ, e màʼ ŋgeʼ aáwune á?

Matio 22:13

Fòn suúy e nshèelav sə́ sí jii, ‹Vèn kúr kóy, e kùr shwín, e fəə̀, e màʼ fo ndzə, é wù wáa neŋ e ŋòròʼ fo wíri tóŋ, ŋéyti sóŋ.› »

Ŋgàn 13:8

Ŋgaà bùʼ lo, wù fò káv və́ e dzə̀m ji wun fiʼ tìn kitú kfə́, a ŋgaà kitàn dzə̀ kfə́, a bó wìr yòʼ fə̀m bémer wun.

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Esiker 32:7

M wíy laàr wò, e sùm yúv, é la mejiy mè yòʼ a ban. M wíy sùm shúy e mbàʼ, e yiì, é la ŋwee yòʼ a ban.

Kintaŋ 27:4

a dzə̀ yír tàr worí yèe, e bóo lày fo wun kfəə ji bìʼ fo wù yòʼ‑oò ló a ker wán woo lumèn? Fó ver nsay e tàr wór shùu yir, aàfə́r vəə́ mvəm.»