Ŋgàn 13:8 - ŊWÀʼ NYÙY

⁸ Ŋgaà bùʼ lo, wù fò káv və́ e dzə̀m ji wun fiʼ tìn kitú kfə́, a ŋgaà kitàn dzə̀ kfə́, a bó wìr yòʼ fə̀m bémer wun.

Ŋgàn 13:8 Referans Kwoze

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋwàʼ Jov 2:4

Satan bìnèr e Nyùy Tàr jii, «Nyár wìri kù lò mo ŋgaàŋ yú. Wìr yíi lì kéŋ rə́ e dzə̀m, e kav dzəʼə̀m rə́ shó.

Tsəfaniya 3:12

M wíy màʼtì wír e věn mvəm, a dzə̀ ve á bvəʼtin ne ghay wóv, aá bórkir e mǒ si. Aáwune wíy a nəə́ e mǒ sar vàv, é mo woo Nyùy Tàr wáa kìŋsìn áwune.

Jeremia 41:8

Yii bèy, a wír ámóʼó kì dzə̀ e wír vìyí mvəm wír e ghvə̀m, ve á kì lonen Ishmael ji lá wù yòʼ yùyrí a áwune. Áwune kér a sáŋ yee *wit wùn à yee *barli, à meŋgvə́r mè, à vilu vi, mo á lìtìn á e kwaʼ. Wù nen màʼtì, e làa yòʼ yuyrí vee shoon wùn à ŋgoo yev.

Jeremia 39:10

Yii bèy, a wù‑uù bèr wír vee aghéʼncey ámóʼó é nsay Juda, ve á yòʼ‑oò kér kifá, e nèn jàvtì súm sé vitiír vé *vayin wùn à kwáʼ si aáwune.

Ŋgàn 6:35

Wù yòʼ wíy biimé vilaʼày, a bó kifá ke a dzə̀ á nə̀ʼsín wun sho, kí ghèén wun ki yòʼ dzə̀.

2 Afòn 25:12

Yii bèy, wù‑uù lèm wír ámóʼó é bàm ve yì‑iì dzəə̀n aghéʼncey, e tsə̀ə́r ji á wáa lìm a súm sé vitiír vé *vayin, e kfə̀n a lìm sé vifa ve yi.

2 Afòn 24:14

Wù kfən kùúy wír veé Jerusalem ji vé sháŋé, e dù sho e wun wòŋ. Wù‑uù kùúy atǎr ntoʼ adzə̀m, e kùúy wír ve yì‑iì dzə̀ á màʼ rə́r adzə̀m, à wír ve vé‑eè kiìn lím kiwoo adzə̀m, e bóo lì vé kilàme adzə̀m. Wìr dzə̀m‑eè dzə̀ nsə̀kì e ghvə̀m. Kù‑uù gòʼ aghéʼncey é wòŋ.

Ŋwàʼ Fəə 21:30

Yii bèy, aá dzə̀r ji wù laʼ á mbàm, e tìn á dzəʼə̀m rə́, wù koŋ, wù làʼ mbàm se á dzərin e wun, e fíʼ tin dzəʼə̀m rə́.

Ŋgàn 13:7

Wír ámóʼó li vitú vév ji vé kavi, a bó á yòʼ kér kifá, aámóʼó li vitú vév ji vé kitàne, aá kér bùʼ nyanyày.

Ŋgàn 13:9

Wìr yúnin Nyùy, wù wàa dzə moo kikaʼày ke kí bán kijuujùŋ, a wo wù méŋ Nyùy dzə̀ kfə́ moo kikaʼày ke kí sí ndzə́menè.

Ŋgàn 14:24

Ntáraʼ afiì, kù dzə̀ vikuʼùy ve á kooyì, a tán viyuŋé kù dzə̀ kiyúŋsì ke á yúŋsi.

Ŋwàʼ Luk 12:23

Vèn wáa kiíy ji dzəʼə̀me shaà vifá ve yi, wúné shaá á ndzə̀y.