Ŋgàn 13:7 - ŊWÀʼ NYÙY

⁷ Wír ámóʼó li vitú vév ji vé kavi, a bó á yòʼ kér kifá, aámóʼó li vitú vév ji vé kitàne, aá kér bùʼ nyanyày.

Ŋgàn 13:7 Referans Kwoze

Ŋgaà Yen 3:17

Wìr lo, wù wàa sevtí jii, m kùʼ ne, a ker bùʼ e ŋàŋ, a bó m yòʼ dzəə́ búŋ kifá kímóʼ kí gheéy. Vèn suuy bèy, e làa yòʼ a kiíy ji vèn dzə̀ aghéʼncey ve dzə̀ á wàa rər mendzən rə́rín fó fo. Vèn ghíy ghiyín, ghán kinshóʼ, a vèn dzə̀ amfìr e Nyùy kinyò.

Ŋgàn 12:9

Bòŋ ké wìr wo wù kér kéŋ shishàr, wù kù kér wánlè lìm və, e shaà ké wìr wo wù kóʼor wún, shiiy e jìŋ.

Ŋgàn 11:24

Wìr wùmòʼ dzə̀, a wù kér wó rə́ tèéter, a Nyùy səəvì wun sə́əvin. Wùmòʼ wáa dzə kfə́, a wù gímti gìmtín, e kù tò a dzə̀ é kitàn.

2 Korin 6:10

A vinyo vi fə̀m kooy ver, a vèr sov kitú, vèr kù yòʼ a sheʼrí Nyùy ghán sidzə̀m. Vèr dzə̀ aŋgàa kitàn, yii bèy, a wír aníne kooy fo vèr. Kifá ke dzə̀ wìr yèn ji kér kí yòʼ dzə̀, yii bèy, a vèr kì kijuŋ ji Nyùy fò ne vifá vidzə̀m ji vér.

2 Korin 4:7

Mo vèr fə̀m kér fùʼ woo ji á wáa fìʼtì kinyo kee shoon, wún wórí kù dzə̀ moo kifá ke á bomen, a bòmrì bòmrìn, fó dìn kiránén ji vitaáví ve ví dzəə̀n é kinyò fèn vi yòʼ dzə̀ á vér. Dzə̀ á vé Nyùy.

2 Pita 2:19

Á yéʼey jii, wíri lóo yiì bèy, aá nèn bòy fo nsər se sí kúr áwune, a dzə a fo áwuné vitu. A bó áwune vee aŋgàa yeʼéy vìyi yòʼ fə̀m dzə́ fo áwuné vitu mo á kwaʼtì. Á reŋ a dzə̀ vikwàn fó vinyò ve bi ví, bìʼ fo wìr yii fó kitú e kifá ki, bo wù sì kwǎn kifa kee shooy.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

Ŋwàʼ Luk 12:21

Jesus nèn màysì jii, «Á mo kí wíy koóy wír wo wù báʼti bùʼ a dzə̀ ji və́ə, e làa yòʼ a baʼtí, ji wun wáa yiì lim Nyùy sho.»

Ŋgàn 13:11

Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.

Ŋgaà Yen 2:9

M kì ŋgeʼ se sí rə́si kooy ven, a m kfə̀n kì mo kitan ki yúy ven. Yii bèy, a dzə̀ m wàa suúy ji vèn dzə̀ á vé bùʼu. M kì sá mo wír ámóʼó rə́si tóy vinyo e věn bàm, yoŋ vitú vév ji wír veé Juda, aá dzə̀ kév a dzə̀ e Satan ŋgoo.

1 Korin 4:8

Ven ve vèn suuy ji vèn kùʼkìr ne, vèn ku yòʼ kùʼkìr rú á? Kí vèn sí kér vifá vén vidzə̀m, a vèn sì afon? Bó kù jòʼsì ver ve bó á yoʼ mèé e kifa a? M koŋ kém ji kí wáa dzə rú bey, é vèn wáa saʼ kijuŋ, é vèsən tátí, a saʼ sáʼ yee shooy adzə̀m.

Ŋwàʼ Luk 12:33

Vèn wáa fiìnè vifá vén, a jàv mbàm e vé ŋgeʼe, a tàʼ a dzə̀ vibam ve bó ví yòʼ wíy a sàʼkìr. Vèn lem bùʼ won a dzə̀ é yuv, fo bó yòʼ dzə̀ kifá ki sə̀ʼ. Bó yòʼ dzə̀ shòŋ nə̀ə́ fó, a bó yòʼ dzə̀ séʼ si là.

Ŋwàʼ Luk 12:20

Wù sìysì bèy, Nyùy nèn yòŋ jii, ‹Kiŋgà ké kiyuŋ kin, m yíi sə kiyoy ké e bàm vitsə́ʼ vé lán vi, é vifá ve à baʼtin vin vi wìy sìíy a dzə vé la?› »

Ŋgàn 13:8

Ŋgaà bùʼ lo, wù fò káv və́ e dzə̀m ji wun fiʼ tìn kitú kfə́, a ŋgaà kitàn dzə̀ kfə́, a bó wìr yòʼ fə̀m bémer wun.