Ŋgàn 13:4 - ŊWÀʼ NYÙY

⁴ Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Ŋgàn 13:4 Referans Kwoze

Ŋgàn 12:24

Wìr lim kitávín, wù wàa dzə kilìmbìy, wìr njoó, wù kfə̀n ji kwàn.

Ŋgàn 12:11

Wìr shev súm və́ kijuŋ, wù kùʼ é viyikìr, lóo jùmrì vinyo ve vinjeenjèm, bo wù dzə̀ kfə́ kiyúŋ.

Ŋgàn 10:4

À njoó, à kpù é nembuŋ, táví, à kpù é nefùʼ.

Ŋgàn 11:25

Wìr lóo fo kicaárín, vikuʼùy ví wàa nəə́ wun. Mo wìr sə́ wíri, kù dzə̀ sá mo á yíi sə sa wun.

Ŋgàn 28:25

Bòŋáyimo kù yii taʼ kfə́ a dzə̀ melaà, a vikuʼùy ví kù yii nəə wír wo wù wayin shilív e Nyùy Tǎr wùn nəə́n.

Hibru 6:11

Vèr ku nèn a kòŋ kér cáʼ ji vèn kú a tiy a dzə̀ é kinyò foo fèy, é wìr mòʼón mòʼón wáy ŋàŋ shó, e dù, e jòʼsì, e fíʼ wìy nəə́ e dzə̀ʼə̀m ye Nyùy kàʼàn ven, vèn tiír vifií shó.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Ŋgàn 8:34

Bòŋ ké wìr wo wù yú jí yem, dzə́ e mǒ shùu lav, shiy mo é shùu kày.

Aysaya 58:11

Mo woo Nyùy Tàr, m yíi a dànèr ven ghán sidzə̀m. M yíi a nəʼsín ven e vifá ve juŋ ve vèn kér shií shó vi, a yiì, é vèn wáa dzə atávkín. Vèn yíi a dzə kijuŋ moo kiboó ke á wáyri mendzə́v shó kijuŋ, a bun bunén é mvə̀m vifa moo ntoò ndzə̀v ye yì léŋ ghán sidzə̀m.

Ŋgàn 26:13

Wìr njoó, wù gòʼ ji bvərə̀ʼ dzə̀ é ndzə, bvərə̀ʼ dzə̀ á e dzəə yeé nsàn se laʼ.

Nsùyrì Nyùy 92:14

Kí wíy lòo dzə̀n, é kí kú a koóm koomén, a ker mendzə́v é ŋàŋ, a səəné ji lìŋ.

Kintaŋ 23:10

A dzə̀ tàŋ la màŋgòŋ woó rám Jakov? A dzə̀ tàŋ la kintóʼ kimòʼón fo vee vikweè vee Jakov kfəə? Màʼtì, é m kpú kpú a dzə̀ yé anjiì vinyò vee tìítiy, e yiì, é kimaysì kém keé kitu ke nsay ki wáa dzə moo kév.»

Ŋgàn 6:6

Njoó ku lì mfìʼ fo vilií vi, e lèéy mo ví lo, ví wàa lìm, é ví yéʼéy wun.

Ŋgàn 12:27

Ŋgaà jwim woo njoó koó nyám, la wù yòʼ bàv, a wìr wo wù yii kinyo, sə́ʼəmè dzə̀ wo wù yíi a ker kéŋ.

Ŋgàn 13:3

Wìr kim shúu və́, wù kìm kitú kfə́, wìr mvəʼ shuu, lem e rə́, wù màʼày kitú máʼayin.

Ŋgàn 13:5

Wìr yú Nyùy, wù wàa bàn kimboʼtì, wìr méŋ Nyùy, wù wàa yiì joonè, a shoór kitú.

Ŋgàn 20:4

Wìr njoó fóo shèv súm e lùm, á wíy lóo kav vifá, wù bùŋ vifá vée kav.

Ŋgàn 21:5

Wìr báʼti ji weè, lim kitávín, wù tò é bùʼ, girì, wù tò a dzə̀ é kitàn.

Ŋgàn 21:25

Shií wo njoó kér fo vifa yíi yuyrí wun, bìʼ fo wó rəə́ jiiyì.

Kèʼlo 26:32

Wáa dzə e kishiíy fóo fèy, wón lìm Aysìi wìy, e bì wun kùm ndzə́v ye áwune‑eè tuŋen. Áwune suúy jii, «Vèr dzə̀ a yén mendzə́v.»

Joshua 7:3

Áwune dù, e wìy, e yèn Joshua, e sùúy sho jii, «Lá à yòʼ rə̀sí, a buʼ ji à ku tsə̀nsí wir dzə̀m ji wù kóʼ, e dù, e fùnèn wír veé Ay, bìʼ fo á yòʼ dzəə̀n anín. A dzə̀ à tsə̀nsí wíri moo ansə̀kì abaà kìn ataár bèy.»

Ŋgàn 24:30

Mò‑oò shaà e njoó ghaa súm vitiír vé *vayin. Kù dzə̀ féyì súm wìr woo là vifií.

Ŋgàn 24:31

Mò‑oò yèn, a kinyáʼnyaʼ kí sə́ ne súm e dzə̀m, a kikwiíy kí ghámsín ne sa fo, a kay ye vé‑eè bomen e tíyí, e gìm shoo keésí ne.

Yòv Viŋgér 5:3

Éè mò, m shòʼtí ne ndzə̀y, m ló ghan e le, e bóo kfən màʼ? M sù ne wúu yém, m ló ghan e le, e bóo kfən laʼ e nsay.