Ŋgàn 13:3 - ŊWÀʼ NYÙY

³ Wìr kim shúu və́, wù kìm kitú kfə́, wìr mvəʼ shuu, lem e rə́, wù màʼày kitú máʼayin.

Ŋgàn 13:3 Referans Kwoze

Ŋgàn 21:23

Wìr kim shuu və́, wù bòy fó melaà.

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Ŋgàn 18:7

Kiyúŋ kí lem shuu e rə́, kí bìvír kitú, kóʼor kitám kfə́, a kù dzə̀ e shuu vəə́.

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Ŋgàn 10:19

Wìr lóo yàv jí, wù wàa jay vinyo. Mey lám, bo á fií lèn.

Ŋgàn 20:19

Ŋgaà viduu yii tóʼti vilìtì ve vinyò. Lá à yòʼ shèm ŋgoo wìr wo wù yav lám.

Jeem 1:26

A wìr yoŋ kitú kfə́ ji wir Nyùy, a bó yòʼ dzə̀ wù mèy kiliímé kfə́, bo ŋgaàŋ bóʼti kitú kfə́, a kinyo ke wù yoŋ kitú kfə́ ji wir Nyùy ki lày kisáŋ.

Ŋgàn 12:13

Wìr méŋ Nyùy, wù kpù fo wun shuù, wìr yúnin Nyùy, wù bòy fó ŋgeʼ.

Nsùyrì Nyùy 34:13

ŋgaàŋ kim kiliímé kfə́ fó vinyò ve bi ví, e yàr kimboʼtì.

Nsùyrì Nyùy 141:3

Éè Nyùy Tàr, kìm shuu wómé. Ku tsə̀ʼ lám kisaŋe fo mǒ shuù.

Ŋgàn 10:14

Fiì dzə̀ yú lèm. Kiyúŋ kí lem shuu e rə́, kí kfə̀r kitú.

Ŋgàn 13:4

Njoó diy vifá, kù kpú e kitàn, a ntav kù yii kér vifá ve wù diyì vidzə̀m.

Atǎr Nsaʼ 16:11

Wù bìnèr e Delila jii, «Aá kùr mo áàkfəə̀ ve fíyi ve á yòʼ‑oo yií ne kùr kifá sho, bo m kù wèʼ ne, a dzə moo wír ámóʼó.»

Atǎr Nsaʼ 16:17

Á bèy, Samson nèn fèr bvəm rə́ shó e dzə̀m, e sùúy jii, «Keme yòʼ‑oò ghàn ne kùm kitú kém, bìʼ fo Nyùy‑iì shoʼon ne mo ji wir Nasir woo jeéy, a m dzə̀ə́ e yè wór bvə̀m. Aá lòo dzə, e kòm kitú kém, bo vitaáví vém ví mày ne. Bo m kù sí lo, e wèʼ wèʼèn, a dzə moo wír ámóʼó.»

Ŋgàn 10:8

Wìr lóo ker vifií, wù wàa yu ntir, lóo dzə njìʼ woo ŋgaà kiyòr, wù kfə̀r kitú.

Ŋgàn 14:3

Kiyúŋ kí yav lám yávin, bo sì ŋgwàn və́ bey. Fiì kù kim kfə́ shuu, kiŋsìn kitú kfə́.