Ŋgàn 13:25 - ŊWÀʼ NYÙY

²⁵ Wìr lóo yu Nyùy, wù wàa yikír, a kur. Wìr méŋ Nyùy, wù kpù jíŋ.

Ŋgàn 13:25 Referans Kwoze

Nsùyrì Nyùy 34:10

Wón bvərə̀ʼə́ lo, á wàa buŋ kifá. Áwune lo, á wàa kpukír jíŋ, Wìr tiir Nyùy Tàr fó mbìy, la wù yòʼ bùŋ kifá. Wù yòʼ búŋ kifá ke juŋ kímóʼ kí gheéy.

Ŋgàn 10:3

Wìr yúnin Nyùy Tàr, la wù yòʼ màʼtì wun e jìŋ, wìr méŋ Nyùy, wù wàa sətí dzə́ə sə́.

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋgàn 6:11

bo kitan ki kù lo, e sàsìn, e ghiʼ wò moo shóŋ, é kíghàʼ ghíʼ wò moo wir kimfaàsì.

Remrí 32:24

Vèn wíy kpu yé jiŋ, e kpu yé kinjàʼ. Vèn wíy kpu wó ayàsí ve biibií. M wíy tsənsí nyám se bi sí, é vèn áwune tám, e tsənsí yó se ndzəʼ si, é sí wáa terí ven.

2 Tesalonika 3:10

Vèn kuúmé nsər ye vèr‑iì foon e vèn é ghan see shooy jii, a wìr tèn fó lìm kifá, lá á yòʼ biìmé saa, é wù yíkír.

Ŋgàn 24:34

bo kitan ki kù‑úù sasin, e sùm wò moo shóŋ, é kíghàʼ ghíʼ wò moo wir kimfaàsì.

Nsùyrì Nyùy 37:16

Bòŋ shishàr she wìr wo wù yúnin Nyùy kérí. Kí bòŋ, e shaà kikùʼ ke wìr wo wù méŋ Nyùy.

Nsùyrì Nyùy 37:3

Wáy shilív shí e Nyùy Tǎr wùn, a yiì vinyo ve ru ví. À lóo yiì, áà nèn a dzə e nsay kijuŋ, là kinyo ké a fàn.

Remrí 28:48

Kí nén a dzə jii, vèn wíy a lìm fo aŋgaà vén vibàn ve Nyùy Tàr wíy tsənsí, aá ton vené. Vèn wíy a tooŋé jíŋ, a kpu kilòŋ ke yumén kí, a dzə kilor, a ghiy ghiyín é mvə̀m kitàn. Wù wíy yiì, aá wáy fáŋ kishàa e věn kilòŋ, e meé mo á wíy laàr ven.

Ŋwàʼ Luk 15:14

Wù kfə́r, sí mày, jìŋ ye tavín nèn lò, e koò é wòŋ foo fèy, a bó wù yòʼ dzəə́ kér kifá.

Nsùyrì Nyùy 103:5

Wù nə́ʼsin mo e vifá ve juŋ vi, kù mo m dzə́ sho e tin, a m goʼ e wánwan, táv moo lùŋ wo wiy.

Nsùyrì Nyùy 132:15

M wíy səə̀vì Sion e nyanyày vifa ve yi, səəvì, é m yiír vé kitàn vee fó.

Ŋgàn 13:18

Wìr ŋwáy ntir, wù tò é kitàn, a woomé, wìr yú ntir, á wàa ghvəm wun.