Ŋgàn 13:21 - ŊWÀʼ NYÙY

²¹ Ŋgeʼ si kù jumrì wir yiì ye bií, a ké wìr ve á yú Nyùy ki dzə̀ vikuʼùy ve ví nəə áwune.

Ŋgàn 13:21 Referans Kwoze

Nsùyrì Nyùy 32:10

Nyár wìr wo wù méŋ Nyùyi kù yii dzə́ e nín, a koŋ ye Nyùy Tàr koŋ wír vəə́ kù yii kiŋsìn wír, kiŋsìn wír ve á wáy shilív e wun wùn.

Ŋgàn 13:13

Wìr ŋwáy ntir, wù nə̀ə́ é ŋgeʼ, wìr yú ntò se yeʼéy, wù wàa dzə kijuŋ.

Nsùyrì Nyùy 140:11

Lá wír ve á tóy vinyo e wírí bàmé yòʼ a kuy e kinyò ke á yii. Ké wìr ve á téʼ wíri ji á lémér, lòné ku jùmrì áwune cér, e laàr.

Kintaŋ 32:23

Yii bèy, a kí shaà fo bèy, bo vèn jày ne kinyo e Nyùy Tàr, é vèn nèn a kiíy ji jay woo shooy yíi ròn wúu yén, e dìn.

Kèʼlo 4:7

Aà kì yiì réŋ, m wàa ten wò vèn à cu yée á? Kinyo ke bi kí dzə wuú yé, a kí yíi ghaʼ wò, aà ben dzə̀ là fóo bàʼàr, a yiì a dzə̀ kinyo ke réŋ kí.

Lim Aŋgàa Ntum 28:4

Wír vee fóo yén mo búv və̀y njéŋ e Por kiwo, e nèn a sə̀mnìn jii, «Wìr və̀n dzə̀ wír wo wù‑uù yuyrin ne wír. Wù bòy fo ndzəv, a lòn vəə́ kù dzəə́ ghán e wun bàm, wù yíi kpu.»

Nsùyrì Nyùy 54:5

Wíri wooy mo e kinyo ke bi kí. Nyùy ku yiì, é kí kfə́n a dzə̀ aáwuné kitu. Éè Nyùy, à kù yii tíy ké vèn à wír vée. Ku laàr wír vìne láarin.

Ŋgàn 11:31

A Nyùy laáme wír ve á yúnin wun, laáme, aá dzə̀ə́ e kitu ke nsay, bo ké wìr ve á méŋ wun ki wíy a dzə e le, áwune ve á dzəə̀n aŋgàa yiì ye bií?

Ŋgàn 17:13

A wìr siir kinyo ke juŋ ki e ke bi kí, bo liì wo bi yòʼ wíy mày fo wun lav.

Aysaya 47:11

Yii bèy, ŋgeʼ ye tavín yíi koóy ven, a bó yòʼ dzə̀ sə́m yéné tèér. Kinshùʼùm ke tavín kí lo, e sàsìn, e sùm ven. A vèn fèn tàŋrí vitú moó le, bo vèn yòʼ yíi bòy fo fo. Á lo, e ghiʼ ven é kimbùmmbúm, a bó vèn yòʼ wíy kiíy mo kí ghanen.

Ŋgàn 24:16

A wìr wo wù yú Nyùy fə̀m gbù, e dù meé e le, bo wù kù yíi nànèn, a wír ve á méŋ Nyùyi dzə̀ kév, a ŋgeʼ yíi màʼ áwune máʼan.

Esiker 7:5

Nyùy Tàr woo Taà Ndzə yoŋ jii, «Rìʼí lo, e gbù e věn kitu. Ké ru kí, a wú kù‑úù gbu.