Ŋgàn 13:20 - ŊWÀʼ NYÙY

²⁰ Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Ŋgàn 13:20 Referans Kwoze

Ŋgàn 15:31

Wìr yú ntir, wù kfə̀n é fiì.

Ŋgàn 9:6

Vèn tín kiwúu kén kí fo anjìʼí bàm, é vèn wìy shìíy. Vèn wáa ghan e vifií ví mbòv, é vèn wìy a kiíy jeéyjeéy fó vinyò.»

Ŋgaà Yen 18:4

M nèn kfə̀n yù jí yìmòʼ, a yì jaŋ fo yuv jii: «Wìr vem, vèn fəə́ fó wòŋ foo fèy adzə̀m. Vèn fəə́ fó fo, fó way kiwó e vinyò ve wù buʼtì, e nəə́ e ŋgeʼ sa mo wù yíi nəə́.

Nsùyrì Nyùy 119:63

M dzə̀ ŋgaà ŋgoo wìr dzə̀m wo wù ghvə́m wò, ŋgaà ŋgoo wìr wo wù lem ntò sé se yeʼéy.

Hibru 10:24

Vèsən ku nèn a tàʼ a dzə̀ dzə́ə ye yì wáa lùmèr melív mèsən, aá wáa kòŋnìn, a yiì vinyo ve juŋ vi.

Malakay 3:16

Á bèy, wír ve á yúnin Nyùy Tàr, ghvə́m yír rəə́ nén a kfə̀ynìn kùm vinyo vìn. Á lòo kfə̀ynìn, Nyùy Tàr fó vituʼùr, a yuurí, e kù nèn yiì, á sáŋ ŋwàʼ wo á wíy a kuumé áwune shó, áwune ve á ghvə́m wun, li yír rə́ é shií.

Lim Aŋgàa Ntum 2:42

Á ku nèn a yu kinyo kimòʼón a dzə̀ ke aŋgàa ntum Jesuse yéʼeyì, wùn áwune wáa ghanén, a yinín kikóŋ, a bùnrì amòʼón.

1 Afòn 12:8

Wù nèn ŋwày ntir ŋgày sé wìr, e dù, e beè a dzə̀ awàʼ və́ ve wùn áwune‑eè kúyí, a sì aŋgàa ntir və́.

Ŋgàn 7:27

Du yee wun lavi dzə̀ dzə́ə ye yì li wír, du sho aàŋkfəə́ wòŋ, e kfə̀n a dzə kóʼtí ye wìr kóʼti e sə́r sày.

1 Afòn 12:10

Awàʼ vəə́ suúy ji á biner á e wír ve á toŋ a vìyi jii, «Wàn kiwo və wo terí waà fàŋ a, e shaà mentìntìn me tàr wov.

2 Wòŋ 19:2

Jehu woo ŋgaà si, a dzə̀ wan Hanani nèn lò, e dù yèn Fòn Jehoshafat, e yòŋ sho jii, «Kí sa bòŋ ji fòn wáa tom wir kisaŋ a? Kí bóŋ ji fòn wáa kòŋ wír ve á ban Nyùy Tàr á? Nyùy Tàr sí yú a nyár wùn fòn bìʼ kinyo ke fòn yiìn.

Kèʼlo 14:12

Vé‑eè lì sá Lot woo wan fər Abram wo wù‑uù dzə́ e Sodom, e kfə̀n kùúy sa káv və́, e dù sho.

1 Afòn 22:4

Fòn Ahav nèn lò, e dzə̀r e Fòn Jehoshafat jii, «Wòsò yíi dù, e nəə́ rə́r é Ramot‑Gilead à?» Wù bìnèr e fòn woó Isray jii, «Aà fèn dzə̀ kibáʼtín, bo m dzə̀ kibáʼtín, a wír vém wùn à nyám se ŋkoʼ si dzə̀ kibáʼtín.»

1 Afòn 22:32

Amfòómé veé vitenténé yiì dù, e yèn Fòn Jehoshafat, e nèn a kwàʼtì jii, rúrú, və̀n dzə̀ á fon woó Isray. Áwune nèn bìnkìr ji á funèn a wun. Fòn Jehoshafat tóŋ kitávín,

2 Wòŋ 10:8

Wù nèn ŋwày ntir ŋgày sé wìr, e dù, e beè a dzə̀ awàʼ və́ ve wùn áwune‑eè kúyí, a sì aŋgàa ntir və́.

2 Wòŋ 22:4

Wù kù‑uù yii vinyo ve ví wáa bir Nyùy Tàr mo kfə́ə Ahavi‑iì yii, bìʼ fo tàr wov‑iì kpuun, kfə́ə Ahavi nèn a dzə aŋgàa ntir və́, aá tír wun a dzə̀ e ntir ye bi.

Ŋgàn 13:19

Wìr yáŋri kifá, kooyì, kí ghèén wun, a bó yòʼ dzə̀ kiyúŋ kí yàr fó a yaŋrí ji wun buʼ á kinyo.

Ŋgàn 14:7

Á baàmè viyúŋ ví, bó yòʼ dzə̀ ví yèʼéy wò kinyo.

Ŋgàn 22:24

Lá à yòʼ shèm ŋgoo vèn wìr wo wù shwiiy kilòŋ, kìn ji à shém ŋgoo vèn wìr wo wù yòʼ kúʼti dòʼshwiíy.

Ŋgàn 22:25

Ku bàʼàr ŋgaàŋ, fóo bìʼnìn liì və, e to e kitam.