Ŋgàn 13:2 - ŊWÀʼ NYÙY

² Wìr wo juŋ yú vijuŋ, bìʼ kisúŋnìn kfə́ ke juŋ ki, a ŋgaà menàŋ kù yáŋri kfə́ a dzə̀ melaà.

Ŋgàn 13:2 Referans Kwoze

Ŋgàn 12:14

Jí se ru sí kù dzə̀ wùn à vilaʼày və́ ví, réŋréŋ mo ŋgaà lìm kù yii dzə́ sa wùn à vilaʼày və́ ví.

Ŋgàn 18:20

Wìr kiiy lám, wù yìkír, jì yee réŋ fəə́ fo wun shuù, wù yìkír, e kùr.

Ŋgàn 10:11

Wìr yú Nyùy, fəər jí, sí rəə̀r wír, méŋ Nyùy, fəər jí, sí màʼ melaà.

Ŋgàn 1:31

Áwune kù yíi kav kifa, a dzə̀ ke á wayin, liì kisaŋ wov kù yíi bìnkìr aáwuné kitu.

Nsùyrì Nyùy 140:11

Lá wír ve á tóy vinyo e wírí bàmé yòʼ a kuy e kinyò ke á yii. Ké wìr ve á téʼ wíri ji á lémér, lòné ku jùmrì áwune cér, e laàr.

Ŋgàn 4:17

Viyíkìr vév ví kù dzə̀ ji á buʼ kinyo, a meluʼ mev mè kù dzə̀ ji á maʼ melaà.

Ŋgaà Yen 16:6

Wír vìne‑eè yúyri wír vé wùn aàŋgàa ntum vée, a mensə́ mè léŋé. Aà siìr ne ŋkfə́tír a dzə̀ mensə́, á wáa no. A dzə̀ mo dzə̀ á kù lòvtí aáwune.»

Habakuk 2:17

Rə́mrə́m kinyò ke vèn yiìn é Lebanon, e laàr vicí véví lo, e kfən e věn kitu. Nyám si yíi a bemér ven bìʼ laar ye vèn‑eè laàrìn nyám si. Kí yíi koóy ven bey, bìʼ fo vèn‑eè yuyrin wíri woŋ e dzə̀m, yúyri e ntèʼ sí, yúyri e ŋkà se laʼ.

Habakuk 2:8

Vèn faàsì ne kimfaàsì fo vitúm vi vinín, kibér ke wíri kí lo, e faàsì sa vén vee vifá, bìʼ fo vèn‑eè yuyrin wíri woŋ e dzə̀m, yúyri e ntèʼ sí, yúyri e ŋkà se laʼ.»

Nsùyrì Nyùy 75:8

Nyùy Tàr kér bàr e wun kiwo, a *meluʼ me tavkín mè fəʼə̀, rún bàr və̀n, a mè din a dzə̀ dòʼshwíiy və. Wù cutì ji wír ve á méŋ wun adzə̀me nó, á nò ben, à kidzə́ŋ kí shó.

Ŋgàn 1:18

Yii bèy, wír vìne kù wáy kitám a dzə̀ kév, aá káv a dzə̀ yév yee kpú.

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Hosea 10:13

«Yii bèy, vèn wày ne ŋgoòy, a dzə̀ liì wo bi, e kàv a dzə̀ kinyo ke bi kí. Vèn sí yí séʼ a dzə̀ kimboʼtì ke vèn rə́si bóʼti, bìʼ fo vèn tiirin vifií a dzə̀ e věn antaŋ, e kù a yòy, a tiír a dzə̀ é mànjòŋ vé rər wo vèn kér nyanyày.

Ŋgàn 11:23

Wír ve á yúnin Nyùyi dzə̀, aàntaŋ véví wiy e vijuŋ vi, a ve á méŋ Nyùyi dzə̀ kév, a kwaʼtì yéví tínsin Nyùy tínsín.