Ŋgàn 13:19 - ŊWÀʼ NYÙY

¹⁹ Wìr yáŋri kifá, kooyì, kí ghèén wun, a bó yòʼ dzə̀ kiyúŋ kí yàr fó a yaŋrí ji wun buʼ á kinyo.

Ŋgàn 13:19 Referans Kwoze

Ŋgàn 29:27

Wìr wo wù yú Nyùy yòʼ yii tíy e wìr wo wù méŋ Nyùy kinyò, yii bèy, a wìr wo wù méŋ Nyùy nyaysì ké wìr wo wù yú Nyùy, nyáysin.

Ŋgàn 13:12

Wìr lóo yaŋrí kifá, kí lóo ndzə̀y, wù wàa rəə́y, kooyì, wù wàa sàvnìn.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

Ŋgàn 16:17

Wìr lóo dzə là jay, lóo ghan, wù wàa bàʼàr kinyo ke bi kí. Wìr lóo tiír kiwuú, lóo fìʼ, wù kìŋsìn dzəʼə̀m rə́.

Yòv Viŋgér 3:4

Mo vèr áwune kù javsìnè, m nen tò é wùn wó, e sìr, a ker ji ŋkǐŋ, e làa yòʼ màʼtì ji wù shóʼ kiwuú, a bó m lí wun, e dù sho e yè wór lav, e nəə́ sho bèn e wàn lav fo vé‑eè koʼon kikún kém.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Nsùyrì Nyùy 34:14

Wù maʼti vinyo ve bi ví, a yiì a dzə̀ ve juŋ vi, a jùm a dzə̀ dzəʼə̀m yee nyaáŋ, e meé mo wù wíy koóy.

Ŋwàʼ Jov 28:28

«Á bèy, Nyùy nèn yòŋ e wìr msòŋ jii, ‹Rúrú, wìr lóo ghvəm Nyùy, bo sì vifií bey, lóo bìn ndzə̀m é kinyò ke bi kí, bo wù sí kiiy jeéyjeéy fó vinyò.› »

1 Afòn 1:48

e sùúy jii, ‹Á wáa burí Nyùy Tàr woo Nyùy wìr veé Isray, wo wù yiìn, wan wom yí vifon lán, a m yén e sí yémé.› »

Nsùyrì Nyùy 37:27

Léʼ fó bǎm kinyò ke bi kí. Léʼ, a yiì a dzə̀ ke juŋ ki, áà nèn wìy shaàrì e wòŋ.

Ŋgàn 13:18

Wìr ŋwáy ntir, wù tò é kitàn, a woomé, wìr yú ntir, á wàa ghvəm wun.

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Ŋgàn 29:10

Anjuyrìwìri yòʼ yii koŋ wír woo là nsem, yii bèy, a wír ve á yú Nyùyi kù kiŋsìn dzəʼə̀m ŋgaàŋ.