Ŋgàn 13:17 - ŊWÀʼ NYÙY

¹⁷ Jívlày lo ntum, wù tò a dzə̀ é kinyò, ŋgaà ntum woo jwáʼ du, wù màʼ kfə́ a dzə̀ kimán.

Ŋgàn 13:17 Referans Kwoze

Ŋgàn 25:13

Wìr woo jwáʼ lo ntum, shilív shé ŋgaà ntum shi rə̀sìn, moo wír wo wù kavin vifá, e ndzə̀ʼnìn, e nò mendzə́v me rəə̀n mè, wúné rə́sín. Wù yii, a shilív shé tàr wov lìm shi rəsìnè.

2 Korin 5:20

Vèr nén a ghan ji ŋkùvtu wun woo Kristu, wáa dzə mo jaŋ Nyùy ven. A vèr boorì ven e Kristu yir jii, vèn ku wìy, é Nyùy mán á ajay vén, é vèn áwune kfə́n kijuŋ.

1 Korin 4:2

Kinyo ke kí dzəə̀n é shií kí nén a dzə jii, wìr wo wù leey fo wìr kifa kú a yiì a dzə̀ á mo ŋgaà kifa suuyì.

Esiker 3:18

A m lò, e yòŋ kùm wir liì kisaŋ ji wù kér fó kpu, e yòŋ bèy, a bó à yoʼ kàntì ŋgaàŋ, e tìr wun fo wun yìi kisaŋe, é kí fiʼ sə̀ dzəʼə̀m rə́, bo ŋgaà liì kisaŋ və̀n yíi kpu bìʼ vinyo və́ ve bi ví, yii bèy, é li wò njò rə kpu.

2 Timoti 2:2

Kú a kuumé kinyo ke wò‑oò yú, a m fiʼtì, a wíri tíy, yú anín ki. Ku lì kinyo kee shooy ki lèn, e wày e wír ámóʼó wo ve à kiìn ji dzə̀ wír vee jwáʼ, aá wáa yeʼéy sa wíri shó.

1 Timoti 1:12

M nén a beèrì Taàtá wòsən Jesus Kristu feyì mo wù‑uù wayin shilív e mǒ wùn ji dzə̀ m yiì á lim rə̀n. A m lim a dzə̀ mo wù foon vitaáví ve m wáa lìm sho.

2 Korin 2:17

Kù mày wír ve tumen Nyùy moo ver ve á fiʼtì kinyo kfə́ là melarìwo. Vèr nén a yu a dzə̀ fo wun, a fìʼtì, là kiloʼ, a suúy kinyo a dzə̀ e Jesus Kristu yir.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Ŋgàn 26:6

Aà tùm kiyúŋ, bo ntum yè nò ndzəʼ.

Ŋgàn 25:23

Shúu ŋgaà kinsuʼu kù yii wiy e dòʼshwiíy, mo mbàʼ ye sənér kù yii wiy e wuú.

Ŋgàn 10:26

Mo kiŋkway ke melùʼ ki yúy sóŋ, a kindzə́ʼ ki báy sí, kù dzə̀ sá mo njoó yii, a shilív shé tàr wov lìm shi nyárí.

Ŋgàn 13:18

Wìr ŋwáy ntir, wù tò é kitàn, a woomé, wìr yú ntir, á wàa ghvəm wun.

Kintaŋ 31:8

Vé‑eè yùyrí wíri fó, e tàtí afon veé Midian atàn, aá dzə̀ jii, Evi wùn à Rekem, à Tsur, à Hur, e lì Reba. Vé‑eè yùyrí sá Balaam woo wan Beor.