Ŋgàn 13:16 - ŊWÀʼ NYÙY

¹⁶ Fiì yii kinyo moo fií, a kiyúŋ kí kù din kfə́ kiyúŋsì kfə́ dínen.

Ŋgàn 13:16 Referans Kwoze

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Efesor 5:17

Kí nén a dzə jii, lá vèn yòʼ a yiì kinyo a là vifií. Vèn wáy a dzə̀ vifií ví ji vèn kiíy á kinyo ke Nyùy taʼ ji vèn wáa yiì.

Aysaya 52:13

Nyùy Tàr suuy jii: «Vèn yén ri, wìr wom lìm və̀ne, a vinyo və́ ví wíy a ghanén kijuŋ. Á wíy a burí wun, a koʼór yír rə́, a ghvəm wun feyì kigháʼán.

Ŋgaà Tàrvìnyò 10:3

Kiyúŋ kí fə́m lóo ghan e dzəə, kí kù a buú vifií, a dìn e wìr dzə̀m ji wun yùŋsí.

Ŋwàʼ woó Rom 16:19

Mo wìr dzə̀m fə̀m kiìn ji vèn tíy kitávín é kinyò ke vé‑eè yeʼeyin ven shó, a m shéʼri ven féyì, m ku kfə̀n a tàʼ, e tir ven jii, vèn ku wày vifií, a tàr vinyo vidzə̀m, e fíʼ kiíy ke dzəə̀n ke juŋ ki, e baàmè ke bi kí.

1 Korin 14:20

Afə̀r vem, lá vèn yòʼ a kwàʼtì vinyo moo wónlè. Vèn kú a meŋ a dzə̀ kinyo ke bi kí moo wón ve bóri, yii bèy, a kwàʼtì vinyo moo ŋgày sé wìr.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Ŋgàn 21:24

Ŋgaà kiŋkoʼòrwùn, à ŋgaà kiràʼsìwùn, yírí kù dzə̀ ŋgaà jàʼ, njiìn və e dzə̀m kù dzə̀ wùn à kiŋkoʼòrwùn kí.

Nsùyrì Nyùy 112:5

Bòŋ ké wìr wo wù kér wó tèéter, foor wíri mbàm. Wír, wo wù yii vinyo və́ là kiloʼ.

1 Samuel 25:25

Lá tàr wor yòʼ a leéy a kinyo ke kiŋgà ké Nabal, bìʼ fo wù kù yii kiyúŋ kiyúŋ moo yír rə́. Vinyo və́ vidzə̀m vi kù dzə̀ vé kiyuŋ ví. Yii bèy, fo mò woo wánlè wò, m yòʼ‑oò lo yèn wír ve tàr wor‑iì tsənsin.

1 Samuel 25:17

Ku kwàʼtì, e yèn ó sa ji sà dzə̀ á yèe le á, bìʼ fo a dzə̀ kinyo kìn kí wìy e ŋgeʼ si e tàr wor wùn à kfə́ə rəə́ kitu. Wù dzə̀ kfə́ə wìr wo bó wìr yòʼ suuy kinyo sho, wù yù.»

Ŋgàn 18:2

Kiyúŋ kí yòʼ kér shií ji wun kiíy jeéyjeéy fó kinyò, kí kù yáŋri, suuy kinyo a dzə̀ ke kí gheen wun.

Ŋgàn 14:33

Wìr wo wù kér vifií dzə̀ wo wù gwarìr vinyo kijuŋ. Wìr lóo dzə kiyúŋ, la wù yòʼ a kiíy kímóʼ kí ji vifií.

Ŋgaà Tàrvìnyò 10:13

Kiyúŋ kí keʼ lóo suŋnín, kù a fəə kiyúŋsì fo wun shuù, súŋnin, lóo ndzəə̀r, kí kfə̀n ji ké ŋgaàbaá.