Ŋgàn 13:15 - ŊWÀʼ NYÙY

¹⁵ Wìr lóo yiì vinyo ve ví kér vifií, wíri wàa ghvəm wun, wìr wáa tùʼtìn kfə́ túʼtin, bo vinyo və́ ví kù yíi a bvəərí bvəərín.

Ŋgàn 13:15 Referans Kwoze

Ŋgàn 4:19

Dzəʼə̀m wìr ve á méŋ Nyùyi dzə̀ moo ndzə vitsə̀ʼ ye yì sə́n ji cùm. Á lo, á gbù, e làa yòʼ kiíy kifá ke kí màʼàn áwune.

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Ŋgàn 3:4

Aà lòo dzə, a yiì bèy, bo Nyùy yíi a kòŋ wò, é wíri wáa kòŋ sa.

Nsùyrì Nyùy 111:10

Wìr lóo ghvəm Nyùy Tàr, bo wù kèʼ ne, a ker vifií. Lóo yu nsər sə́, bo wù sí kiiy mó a yiì vinyo. Búrí rəə́ kù wíy a tiy fo, e dù, e jòʼsì.

Ŋwàʼ woó Rom 6:21

Vèn‑eè yii vinyo a dzə̀ ve ví gheenen ven, a dzə̀ víwun ve vèn lo, kuúme lèn, á wàa woomé fo fo. Vèn‑eè yii bèy, kooy ka fó fo? Ví kù‑uù danèr ven, wáy a dzə̀ é kpu yee ŋkuuŋkùŋ.

Lim Aŋgàa Ntum 7:10

a sə wun fo ŋgeʼ se wù‑uù yén sidzə̀m. Wù kfən fò wun vifií, Farao woo Fon woó Ejiv wáa kòŋ wun, e fò sáʼ sho, wù wáa leéy fo wòŋ wùn à kfə́ə fòne.

Ŋgàn 15:10

Wìr bin ndzə̀m é dzəə yee tìítiy, á sə̀r ŋgaàŋ, e màʼ ŋgeʼ sho kijuŋ. Wìr tén ntir tenén, bo wù kù yíi dù, e jòʼsì a dzə̀ é kpu.

Ŋwàʼ Luk 2:52

Jesus ku nèn a dzə, a kuy, a ker vifií, Nyùy wáa kòŋ wun, wíri kfə́n a kòŋ sa.

Ŋgàn 14:35

Nshìylav lóo lìm lim rə́ kijuŋ, fòn wàa kòŋ wun. Nshìylav lóo shoór lim yeé ntoʼ, fòn màʼ ŋgeʼ sho.