Ŋgàn 13:13 - ŊWÀʼ NYÙY

¹³ Wìr ŋwáy ntir, wù nə̀ə́ é ŋgeʼ, wìr yú ntò se yeʼéy, wù wàa dzə kijuŋ.

Ŋgàn 13:13 Referans Kwoze

Kintaŋ 15:31

Mo wù ŋwayin a dzə̀ jí Nyùy Tàr, e shòʼór nsər rə e kúmé, aá ku fə̀ə́r wun ŋkuuŋkùŋ, é lòn vəə́ kú a dzə e wun kitu.»

2 Joon 1:8

M nén a tir ven jii, vèn wáa yen fó màʼày a vinyo ve vèn wayin shilív shó, é ví lay kisáŋ. Vèn kú a ghar, e fíʼ wìy a ker vilaámé vidzə̀m ve Nyùy lèmèn e vèn.

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

Nsùyrì Nyùy 119:165

Wìr dzə̀m wo wù koŋ Nsər yè kér nyaáŋ ŋkuuŋkùŋ, a bó kifá ki yòʼ dzə̀ shó, ke dzə̀ kí yiì, áwune bàyrìn.

Esiker 20:13

Yii bèy, wír veé Israyi ku shaà fo mbìy, a tav kitú vèr áwune é woʼ. Áwune yòʼ‑oò ló a yu sáʼ yém, e kù shaà fo mbìy, a ŋway nsər sém se sí fó dzəʼə̀m. Áwune‑eè màysì, e bìvír vishiíy vém vé bam ŋkuuŋkùŋ. Bìʼ bey, m rə̀m ji mo‑óò maʼ ŋgeʼ aáwuné kitu e woʼ fey mo dòʼshwíiy wom dzəə̀n, e laàr a fó ŋkuuŋkùŋ.

Nsùyrì Nyùy 19:11

Rúrú, Nyùy Tàr, vinyo vé vi tír ŋgaà lìm wò, m lóo yunín, m wàa ker vilaámé vigháʼán.

Esiker 20:16

Vé‑eè shòʼór nsər sém, e ŋwày sáʼ yém, e bìvír vishiíy vém vé bam, e kù shaà fo mbìy, a ghvəm mebvə̀m mev.

Esiker 20:24

Mò‑oò suuy bèy, bìʼ fo áwune‑eè ŋwayin sáʼ yém, e shòʼór nsər sém, e bìvír vishiíy vém vé bam, e kù siì a ghvəm mebvə̀m me atàr véví‑iì ghvə́mé.

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

Ŋgàn 13:21

Ŋgeʼ si kù jumrì wir yiì ye bií, a ké wìr ve á yú Nyùy ki dzə̀ vikuʼùy ve ví nəə áwune.

Ŋgàn 1:25

a vèn kù ŋwáy ntir sém ŋwayín, tén naarì ye m naarì ven,

Nsùyrì Nyùy 115:13

Nyùy Tàr wíy səə̀vì wír ve á ghvə́m wun adzə̀m. Wù wíy səə̀vì ve terií, e səə̀vì ve kuʼkìné.

Ŋwàʼ Luk 16:31

Abraham bínér shó jii, ‹Aáwune tèn fó yuurí kinyo ke Mooser wùn à ké *aŋgàa ntum Nyùy ki, bo bó yòʼ dzə̀ áwune yuùrí sá ké wìr wo wù kpuun, e bóo kfən.› »

Malakay 3:16

Á bèy, wír ve á yúnin Nyùy Tàr, ghvə́m yír rəə́ nén a kfə̀ynìn kùm vinyo vìn. Á lòo kfə̀ynìn, Nyùy Tàr fó vituʼùr, a yuurí, e kù nèn yiì, á sáŋ ŋwàʼ wo á wíy a kuumé áwune shó, áwune ve á ghvə́m wun, li yír rə́ é shií.

Matio 5:12

Á lóo lovtí e vèn bey, vèn wàa sheʼrí sheʼrín, bìʼ fo vèn kiìn ji Nyùy lèm ne vilaámé vén é yuv vigháʼán. Vèn wáa kuumé jii, dzə̀ sá mo vé‑eè lóvti aàŋgàa ntum Nyùy vee fó ŋgùʼú bey.

Jeremia 43:2

Mo wù màysìn, Asaria woo wan Hoshayia wùn à Johanan woo wan Karea, à vimbaa ve wìr vímóʼ ví vidzə̀m vi nèn sàyín e Jeremia wùn jii, «À bóʼti a dzə̀ kimboʼtì. Bó Nyùy Tàr woo Nyùy wor yoʼ tùm wò ji à wiy, e yòŋ ji lá vèr yòʼ dù, a dzə e Ejiv.

Esra 10:3

Bo kí dzə̀ jii, vèsən gwar *mensaŋ vèsən à Nyùy wòsən ji á sí fəər a vikìy vin wùn à wóné. Tàr wor, vèr kù yíi yiì mo vèn à wìr dzə̀m wo wù yúnin nsər se Nyùy tirin ver. Vèr kù yíi yiì réŋréŋ mo Nsər Nyùy taʼà.

Ŋwàʼ Fəə 9:20

Vé saʼ Farao ámóʼó ve vé‑eè yuun ntum Nyùy Tàr rə̀n, a fàne nèn bàʼtí akwàn vév wùn à nyám sév sí, e wìy sho e laʼ.

Ŋgàn 13:12

Wìr lóo yaŋrí kifá, kí lóo ndzə̀y, wù wàa rəə́y, kooyì, wù wàa sàvnìn.

Ŋgàn 19:16

Wìr yúnin nsər, wù kìŋsìn kitú kfə́, ŋwáyí, wù dù é sày e kiwuú kí.

Nsùyrì Nyùy 19:12

Yii bèy, wìr yòʼ yii yén ndzə̀m rə. Sù ajay vém ve á yòʼ yénsinèe.

Ŋgàn 16:20

Wìr yú ntir, wù kùy, a bòŋ ké wìr wo wù tiir vifií a dzə̀ e Nyùy Tǎr wùn.