Ŋgàn 13:12 - ŊWÀʼ NYÙY

¹² Wìr lóo yaŋrí kifá, kí lóo ndzə̀y, wù wàa rəə́y, kooyì, wù wàa sàvnìn.

Ŋgàn 13:12 Referans Kwoze

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Ŋgàn 13:19

Wìr yáŋri kifá, kooyì, kí ghèén wun, a bó yòʼ dzə̀ kiyúŋ kí yàr fó a yaŋrí ji wun buʼ á kinyo.

Ŋgàn 3:18

Ví dzə̀ rú kicí ke wìr yí, wù kòóy dzəʼə̀m, a bòŋ ké wìr ve á lumen, e kpù shó.

Nsùyrì Nyùy 17:15

M dzə̀ kém, a m wíy shov wò e si, bìʼ fo m ghán a dzə̀ e wò mbòv. M wíy lóo yìmèn fo mbuùné, lóo yen wò mo à dzəə̀n, é kí gheén mo féyì.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

Nsùyrì Nyùy 69:3

M tòŋ ne, e dòr, kilòŋ kí yùm ne mo, e kàʼkír. M kìʼ ne ntéŋ ntéŋ, kiʼ ji Nyùy wom wiy, e sə̀ mo, e kìʼ, sí yémé wáa səəné.

Nsùyrì Nyùy 143:7

Éè Nyùy Tàr, ku tàv yù tóŋ yémé, ghíri yòʼ dzə̀ə́ e mò. Lá à yòʼ màʼày mo, fo m du áàŋkfəə́ wòŋ.

Kèʼlo 46:30

Isray suúy e Joosev jii, «A kòŋ, m kpù lèn mo m yenen sí yé, e kìíy ji à dzə̀ shó e tin.»

Yòv Viŋgér 5:8

Éè wónlě vikìy veé Jerusalem, m lón ven lónén, vèn kuúmé mo ŋgav wùn à njà yii laayì. Éè mò, a vèn lòo dzə, e yèn ŋgaà ŋkòŋmé wom, kii vèn, vèn kù sùúy sho ji m sí joy a yàsí kikòŋnìn.

Ŋgaà Yen 22:2

léŋ, sə́y e ntìntìn dzəə̀ ye kùʼùn ye yì dzəə̀n é mvə̀mlaʼ foo fèy. Vicí ví wáa kuy e ghaa ndzəv fey mbìv sidzə̀m, a dzə̀ kicí ke wìr yí, wù wàa ker dzəʼə̀m yee là may. A kí koom ŋwee e dzə̀m, a dzə̀ ji kàŋ nshòv sibaà e ghvə̀m e kiya. Vibábár və́ ví wáa dzə kifú ké shìv ke kí fer vitúm vidzə̀m.

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Ŋgàn 13:11

Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.

Ŋgàn 13:13

Wìr ŋwáy ntir, wù nə̀ə́ é ŋgeʼ, wìr yú ntò se yeʼéy, wù wàa dzə kijuŋ.

Nehemia 2:2

Fòn dzə́r e mò ji m sà kiʼ ka e rəə́yín ben, a bó m yòʼ joyì a? Kinyo ki kù‑úù wáa dzə a ke kí bír a mo. M nèn a fàn feyì,